Benjamín Balboa López
Benjamín Balboa López, nado en Boimorto o 19 de marzo de 1901[a] e finado en Cidade de México o 27 de xuño de 1976,[1] foi un militar galego destacado durante a guerra civil española.
Benjamín Balboa López | |
---|---|
Nacemento | 19 de marzo de 1901 |
Lugar de nacemento | Boimorto |
Falecemento | 27 de xuño de 1976 |
Lugar de falecemento | Cidade de México |
Nacionalidade | España |
Ocupación | militar e telegrafista |
Cónxuxe | Katja Landau |
Irmáns | Carmen Balboa López |
[ editar datos en Wikidata ] | |
Traxectoria editar
Nado o 19 de marzo de 1901 en Boimorto. Iniciou os estudos de Bacharelato no Instituto Eusebio da Guarda da Coruña, pero abandonou uns anos despois. Ingresou na Armada Española en 1916, ascendendo ao rango de cabo telegrafista en 1921 e a segundo contramestre en 1929.[2] Dende 1928 estivo afiliado á masonería.[3][2] Era militante do PSOE.[4]
Cando se produciu o golpe de Estado do 18 de xullo de 1936 era oficial de 3.ª clase do Corpo auxiliar de radiotelegrafistas e estaba destinado na Estación de Radio do Ministerio de Mariña, en Ciudad Lineal.[5] Estaba de garda[6] a madrugada do 18 de xullo e captou mensaxes dos militares insurrectos do Marrocos español dirixido ás gornicións da península.[7] Negouse a transmitir a mensaxe ás gornicións, e logo de informar directamente ao axudante do ministro José Giral, púxose en contacto cos buques e as bases da Armada, poñéndoos en alerta.[8] Ademais, detivo ao seu oficial superior, que estaba implicado na conspiración militar. Grazas á súa decidida acción o ministerio logrou manter o contacto coa maioría de unidades da Mariña de Guerra da República.[9] Durante a guerra foi por un tempo Subsecretario de Mariña.[10]
Cando rematou a guerra marchou ao exilio por Portbou. Estivo ingresado varios meses no campo de Argelès-sur-Mer e logo en Marsella onde coñeceu a Katja Landau. Viaxou coa ela a Casablanca en maio de 1941. Axudado pola JARE (Junta de Auxilio a los Republicanos Españoles) embarcou no "Serpa Pinto" con dirección a Nova York, onde chegou o 11 de setembro de 1941. De alí partiu a Veracruz (México) desembarcando o 7 de outubro.[11] Morreu en México en xuño de 1976.[12]
Vida persoal editar
A súa parella Katja Landau chegou a México en marzo de 1942, onde casaron en decembro de 1953.[13] Katja era a antiga esposa do socialista austríaco Kurt Landau.[b] Un dos seus irmáns, José Balboa López, tamén era membro da Armada e foi fusilado ao final da guerra civil.[14]
Notas editar
- ↑ Algunhas fontes (De Paz Sánchez. 2004. p. 62) sinalan que naceu en 1900, mentres que outras (Lamela García. 2002. p. 237) sinalan que naceu en Malpica en 1902.
- ↑ Kurt Landau desaparecera sen deixar pegadas en Barcelona, logo dos Sucesos de maio de 1937 (Lustiger. 2002. p. 159).
- ↑ Necrolóxica en La Voz de Galicia, 27-6-1986, p. 61
- ↑ 2,0 2,1 Fernández 2000, p. 504.
- ↑ Paz Sánchez 2004, pp. 16, 62.
- ↑ Montoliú Camps 2005, p. 40.
- ↑ Paz Sánchez 2004, p. 62.
- ↑ Montoliú Camps 2005, pp. 40-41.
- ↑ Romero Salvadó 2013, p. 224.
- ↑ Alpert 1987, pp. 39-40.
- ↑ Fernández 2000, p. 169.
- ↑ Miravitlles 2009, p. 129n.
- ↑ Fernández Díaz 2009, p. 41n.
- ↑ Pons Prades 2005, p. 357.
- ↑ Lustiger 2002, p. 159.
- ↑ Fernández Díaz 2009, p. 40.
Véxase tamén editar
Bibliografía editar
- Alpert, Michael (1987). La guerra civil española en el mar. Barcelona. ISBN 978-84-8432-975-6.
- Fernández Santander, Carlos (2000). Alzamiento y guerra civil en Galicia: 1936-1939 1. Ediciós do Castro.
- Fernández Díaz, Victoria (2009). El exilio de los marinos republicanos. Universidad de Valencia.
- Lamela García, Luis (2002). A Coruña, 1936: memoria convulsa de una represión. Sada: Ediciós do Castro.
- Lustiger, Arno (2002). Flor del Viento Ediciones. Flor del Viento Ediciones.
- Miravitlles, Jaume (2009). D'Europa a Amèrica: dietari d'exili (1941-1945). Proa.
- Montoliú Camps, Pedro (2005). Madrid en la posguerra, 1939-1946: los años de la represión. Madrid: Sílex.
- Paz Sánchez, Manuel de (2004). Militares masones de España: diccionario biográfico del siglo XX. UNED Alzira-Valencia.
- Pons Prades, Eduardo (2005). Realidades de la Guerra Civil: mitos no, ¡hechos!. La Esfera de los Libros.
- Romero Salvadó, Francisco J. (2013). Historical Dictionary of the Spanish Civil War. The Scarecrow Press. ISBN 978-0-8108-5784-1.
- Sueiro Rodríguez, Daniel (1983). La flota es roja (en castelán). Barcelona: Argos Vergara. ISBN 84-7178-619-2.
- Thomas, Hugh (1976). Historia de la Guerra Civil Española. Barcelona: Círculo de Lectores. ISBN 84-226-0874-X.
Wikimedia Commons ten máis contidos multimedia na categoría: Benjamín Balboa López |