Belén Regueira
Belén Regueira Leal, nada na Coruña o 1 de setembro de 1977, é unha xornalista galega.
 (2008)  | |
| Biografía | |
|---|---|
| Nacemento | 1 de setembro de 1977 (47 anos) A Coruña, España |
| Educación | Universidade de Santiago de Compostela |
| Actividade | |
| Ocupación | xornalista |
| Empregador | Radio Galega |
 | |
Traxectoria
editarLicenciada en Xornalismo pola Universidade de Santiago de Compostela, comezou o seu contacto cos medios de comunicación presentando un programa de entrevistas e música chamado Chambo (1997). De aí pasou aos servizos informativos da Televisión de Galicia, onde presentou telexornais en distintas franxas horarias.
En 2005 comeza a presentar na Radio Galega o magacine da fin de semana, chamado Extrarradio, e en 2008, sen abandonar a radio, regresa á televisión para presentar O país dos ananos, un programa onde interveñen nenos de toda Galicia falando de todo tipo de temas. Este traballo valeulle o Premio Mestre Mateo á mellor comunicadora do ano 2008.
Desde mediados de 2009, coincidindo coa reestruturación da programación da Radio Galega e da TVG, suprimiuse o espazo Extrarradio e desde aquela Belén Regueira realiza tarefas de redacción no magacine Galicia por diante da Radio Galega[1]. Tamén colaborou periodicamente no semanario A Nosa Terra.
Deu voz ó Dicionario de pronuncia da lingua galega do Instituto da Lingua Galega[2]
Galardóns e nomeamentos
editar- Premios Mestre Mateo 2008 á mellor comunicadora por O país dos ananos
- Premios Follas Novas do Libro Galego 2022 na categoría de Xornalismo Cultural
Notas
editar- ↑ Ficha do Galicia por Diante Arquivado 17 de decembro de 2009 en Wayback Machine. Consultado o 4 e febreiro de 2010.
- ↑ Créditos do Dicionario de pronuncia da lingua galega.
Véxase tamén
editar| Wikimedia Commons ten máis contidos multimedia na categoría: Belén Regueira |