As letras das mulleres

"As letras das mulleres" é unha colección literaria de narrativa traducida ao galego (agás para as obras de Rosalía de Castro, Pardo Bazán e Concepción Arenal, escritas en castelán e mantidas aquí nesa lingua) publicada en colaboración entre o Servizo Galego de Igualdade da Xunta de Galicia[1] e a editorial Sotelo Blanco.[2]

Historia e característicasEditar

A colección comezou a distribuírse en 2004. O primeiro título publicado foi A cidade das mulleres.[3]

O seu obxectivo é a divulgación de obras fundamentais, de ficción ou ensaio, escritas por mulleres, así como fomentar o recoñecemento do labor intelectual co que as mulleres contribuíron á cultura universal ao longo da historia.[4]

Os libros foron prologados por expertos como María del Carmen Pallares Méndez (caso de A cidades das mulleres), María Jesús Lorenzo Modia (Vindicación dos dereitos da muller), Jorge Figueroa Dorrego[5] (A dama solitaria) ou Carme Alvariño (Escritos políticas e literarios).

CríticaEditar

" Non podemos evitar criticar este “esforzo económico” da administración: quizais unha edición máis “modesta” (sen tapas duras, sen papel groso e, sobre todo, sen empregar no que sería o paratexto icónico –tamén representativo da ideoloxía– necesariamente cores tradicionalmente identificativos do “feminino” -rosa e lila-), un verdadeiro compromiso polo idioma galego e por discursos contemporáneos (non históricos) e verdadeiramente fundamentais do feminismo actual (necesarios neste contexto de chegada) podería dar cabida a unha colección máis necesaria."

—  Patricia Buján Otero e María Xesús Nogueira Pereira.[6]

TítulosEditar

Obra Autora Lingua orixinal Tradutor
Amor Vermello e outros escritos sociais e políticos Alexandra Kollontai Ruso María Fe González
Exóticas e escritos xornalísticos Sofía Casanova Castelán Iria Sobrino Freire
O Moinante & a segunda parte do Moinante Aphra Behn Inglés Ramón Porto e Belén Souto
Escritos políticos e literarios Olympia de Gouges Francés Mercedes Pacheco
El caballero de las botas azules, Lieders e Las literatas Rosalía de Castro Castelán -
La educación del hombre y de la mujer, La dama joven e Memorias de un solterón Emilia Pardo Bazán Castelán -
Da muller da súa casa á muller do porvir[7] Concepción Arenal Castelán -
Orgullo e prexuízo Jane Austen Inglés José Díaz Lage
Un cuarto de seu Virginia Woolf Inglés Iria Sobrino Freire
Vindicación dos dereitos da muller Mary Wollstonecraft Inglés María Fe González
A cidade das mulleres Christine de Pisan Francés Susa Blanco
A idade da inocencia Edith Wharton Inglés María Fe González
A dama solitaria e Fantomima Eliza Haywood Inglés María Fe González

NotasEditar