Amigdalite

A amigdalite, tamén coñecida como tonsilite ou anxinas, é a inflamación dunha ou ámbalas dúas amígdalas palatinas, formando placas purulentas que se poden estender á parede lateral da orofarinxe.

Amigdalite
Clasificación e recursos externos
Gorxa coas amígdalas inflamadas e ateigadas de placas de pus.
ICD-10	J03
ICD-9	463
DiseasesDB	13165
MedlinePlus	00104
eMedicine	ent/314
MeSH	D014069
Aviso médico. Advertencia: A Wikipedia non dá consellos médicos. Se cre que pode requirir tratamento, por favor, consúltello ao médico.

Etioloxía

Moitas son as causas que poden desencadear unha amigdalite, sobre todo virus e bacterias. As causas máis frecuentes son:

• A bacteria Estreptococo Betahemolítico do Grupo A (EBGA), comunmente chamada Streptococcus pyogenes (a causa máis común de amigdalite aguda bacteriana). Outras bacterias esptreptocócicas tamén poden provocar amigdalite coma Streptococcus agalactiae, malia non ser o máis habitual.
• Os adenovirus.
• O virus da influenza.
• O virus Epstein-Barr.
• Os virus parainfluenza.
• Os enterovirus.
• O virus do herpes simple.

Amigdalite aguda

Clínica

É a inflamación das amígdalas palatinas que acontece de xeito agudo, isto é, de poucos días de evolución. Clinicamente maniféstase por:

• Dor local intensa
• Voz gangosa
• Adenopatías cervicais
• Diminución da mobilidade do veo do padal.
• Alteracións na deglutición.
• Ás veces apnea eou dispnea.

Pode acompañarse de febre, dor de cabeza e malestar xeral.

Tratamento

• O médico pode prescribir un antibiótico, se sospeitar unha infección bacteriana.
• Antiinflamatorios.
• Calmantes para la disfaxia.
• Antipiréticos.
• Gárgaras, que poden facerse cunha solución de auga salgada ou con produtos baseados na iodopovidona.

Amigdalite crónica bacteriana

Clínica

Tem varias formas de repetición: hipertrofia de amígdalas palatinas, amigdalite de repetición, e amigdalite caseosa. Os xermes acantóanse nas criptas e dan lugar á clínica:

• Anorexia
• Astenia
• Disfaxia discreta
• Febrícula
• Ganglios que non minguan até un tamaño normal
• Posíbel infección a distancia

Tratamento

• Analxésicos
• Penicilina
• Amigdalectomía, a exéresis cirúrxica das amígdalas baixo anestesia.

Véxase tamén

Outros artigos

• Amigdalectomía

Ligazóns externas

• Amigdalite. Artigo e vídeo.
• Amigdalite en saludalia.com