Anne Heche

Anne Celeste Heche, nada o 25 de maio de 1969 en Aurora, Ohio, e finada o 12 de agosto de 2022, foi unha actriz, realizadora, escenógrafa e produtora norteamericana. Acadou gran fama a nivel mundial durante a súa relación coa actriz e presentadora Ellen DeGeneres e a posterior ruptura.

Anne Heche

(2014)
Biografía
Nacemento	(en) Anne Celeste Heche 25 de maio de 1969 Aurora, Estados Unidos de América
Morte	11 de agosto de 2022 (53 anos) Os Ánxeles, Estados Unidos de América
Causa da morte	Morte accidental  (Accidente de tráfico )
Datos persoais
País de nacionalidade	Estados Unidos de América
Educación	Ocean City High School (en) Francis W. Parker School (en)
Actividade
Ocupación	actriz de televisión , guionista , produtora , directora de cine , actriz de cinema , actriz de teatro
Período de actividade	1985 - 2022
Lingua	Lingua inglesa
Familia
Cónxuxe	Coleman Laffoon (en) (2001–2009)
Parella	James Tupper (pt) (2007–2018) Ellen DeGeneres (1997–2000)
Nai	Nancy Heche (pt)
Irmáns	Susan Bergman (pt)
Premios (2000)  Lucy Award (en) , premiado polo traballo If These Walls Could Talk 2 (pt) (2000)  GLAAD Stephen F. Kolzak Award (en) (1997)  National Board of Review de Melhor Atriz Coadjuvante (pt) , premiado polo traballo Wag the Dog (1992)  Soap Opera Digest Award for Outstanding Lead Actress in a Daytime Drama (en) , premiado polo traballo Another World (pt) (1991)  Daytime Emmy Award for Outstanding Younger Actress in a Drama Series (en) , premiado polo traballo Another World (pt)

Traxectoria

Primeiros anos

Anne Heche comezou a súa carreira con 12 anos como corista nun café teatro para contribuír á subsistencia da súa familia. Descuberta por un cazatalentos aos 15 anos, cando participaba nas obras de teatro do seu instituto, rexeitou participar na serie As the world turns para poder seguir axudando á súa familia.

Éxito precoz

Finalmente, con 17 anos e despois de obter o seu diploma, partiu cara Nova York para participar na serie de televisión Another World interpretando ás xemelgas Vicky Hudson Frame e Marley McKinnon. As súas actuacións durante catro anos na serie supuxéronlle a consecución dun Daytime Emmy Award en 1991.

Carreira no cine

Anne Heche abandonou esta serie en 1991 para comezar a súa carreira cinematográfica. Despois dunha serie de filmes de pouco éxito, destacou en obras como Walking and Talking en 1996 e posteriormente con The Juror (O Xurado) xunto a Demi Moore. Pero foi a actuación como muller de Johnny Depp en Donnie Brasco o que lle valería as louvanzas da crítica. Participou posteriormente en Volcano ao lado de Tommy Lee Jones.

Pasamento

En agosto de 2022 sufriu un accidente de tránsito que lle provocou unha ferida anóxica cerebral severa, polo que estivo en coma en situación crítica. A súa familia comunicou que non se esperaba que sobrevivise, pero que a súa elección sempre fora doar os seus órganos e que se mantiña nun sistema de soporte vital para determinar se algún deles era viable.

Filmografía como actriz

• O Pioneers! (1992)
• If These Walls Could Talk (1996)
• The Juror (1996)
• Wild Side (1996)
• Walking and Talking (1996)
• Donnie Brasco (1997)
• Volcano (1997)
• I Know What You Did Last Summer (1997)
• Wag the Dog (1997)
• Psycho (1998, un remake do clásico de 1960 de Alfred Hitchcock)
• Return to Paradise (1998)
• Six Days Seven Nights (1998)
• The Third Miracle (1999)
• Ally McBeal (2000-2001)
• Prozac Nation (2001)
• John Q (2002)
• Birth (2004)
• Everwood (2004/2005)
• Nip/Tuck (2005)
• Fatal Desire (2006) (TV movie)
• Suffering Man's Charity (2006)
• Men In Trees
• Superman: Doomsday (só voz, 2007)

Filmografía como directora

• Reaching Normal (2001) (TV)
• On the Edge (2001) (TV)
• Ellen De Generes: American Summer Documentary (2001) (TV)
• If These Walls Could Talk 2 (2000) (TV)