Ann Blyth
Ann Marie Blyth, nada en Mount Kisco o 16 de agosto de 1928, é unha actriz e cantante estadounidense.
 (1952)  | |
| Biografía | |
|---|---|
| Nacemento | (en) Ann Marie Blyth 16 de agosto de 1928 (95 anos)Mount Kisco (Estados Unidos de América) |
| Datos persoais | |
| Residencia | Santa Fe |
| País de nacionalidade | Estados Unidos de América |
| Educación | Professional Children's School (en)  |
| Actividade | |
| Ocupación | actriz de cinema , actriz de teatro , cantante , actriz de televisión |
| Período de actividade | 1944 - 1985 |
| Partido político | California Republican Party (en) |
| Xénero artístico | Música pop tradicional (pt) |
| Tesitura | Soprano |
| Instrumento | Voz |
| Familia | |
| Parentes | Dennis Day (pt) (cuñado) |
Premios | |
        | |
Traxectoria editar
Blyth naceu no estado de Nova York. Os seus pais, Harry e Nan Blyth,[1] divorciáranse cando aínda era nova. Mudouse coa súa nai e a súa irmá a Nova York, onde comezaron a asistir a escolas católicas. A unha certa idade, Blyth asistiu á Escola Infantil Profesional de Manhattan e xa era artista de radio,[2][3] actuando especialmente en dramas, ata que rematou a escola. Despois de coñecer un compañeiro na New York Children's Opera Company,[4] fixo un importante debut en Broadway como a filla de Paul Lukas no clásico drama da segunda guerra mundial, Watch on the Rhine (1941) de Lillian Hellman. Estivo en cartel durante 378 funcións.[5]
Mentres viaxaba coa obra nos Ánxeles, foi descuberta polo director Henry Koster de Universal Studios,[4] que lle ofreceu a oportunidade de facer unha audición para un filme. Comezou a súa carreira como "Anne Blyth", mais cambiou o nome a "Ann" xa para o seu debut no filme Chip Off the Old Block (1944), nun musical protagonizado por grandes nomes de Universal, como Donald O'Connor e Peggy Ryan.[2]
Continuou a súa carreira como actriz co filme The Merry Monahans (1944). Ao ano seguinte, foi prestada á Warner Bros. para facer o papel da filla de Joan Crawford, nun filme cunha trama que trataba sobre a turbulenta vida da moza, que era atormentada pola súa outra filla, Veda, no clásico Mildred Pierce (1945). Blyth tiña só dezaseis anos[2] e foi candidata ao Óscar á mellor actriz secundaria.[1] Despois da rodaxe, sufriu un accidente nunha zorra, fracturándose a columna vertebral, en Snow Valley.[6] Logo dunha longa recuperación, a Universal utilizouna para un cameo cunha cadeira de rodas en Brute Force (1947).[7]
O seu primeiro papel protagonista foi no filme Sonny Tufts in Swell Guy (1946). En vez de continuar interpretando musicais, Ann volveu ao cinema con Killer McCoy (1947),[8] nun papel perigosamente calculado en Another Part of the Forest (1948). Tamén realizou papeis de comedia, como o dunha sera en Mr. Peabody and the Mermaid (1948), con William Powell, e unha adolescente que se namora dunha estrela de Hollywood, Robert Montgomery, en Once More, My Darling (1949).
Como estrela na década de 1950, Blyth apareceu en papeis en operetas, comedias e melodramas. Realizou papeis dramáticos como o dunha rapaza adoptada que busca a súa nai biolóxica en Our Very Own (1950) e unha condenada por asasinato en Thunder on the Hill (1951). Outros papeis destacados foron o da esposa de Mario Lanza en The Great Caruso (1951), o de Katie Did It (1951) ou a condesa rusa á que Gregory Peck facía as beiras en The World in His Arms (1952).
Vida persoal editar
Na edición de decembro de 1952 de Motion Picture and Television Magazine, Ann Blyth afirmou nunha entrevista que era republicana e que apoiara a Dwight D. Eisenhower como presidente o mes anterior nas eleccións presidenciais de 1952.[9]
En 1953, Blyth casou co obstetra James McNulty, irmán do cantante Dennis Day, que os presentara. As damas de honra foron as actrices Joan Leslie, Jane Withers e Betty Lynn. A parella, ambos devotos católicos, recibiu unha felicitación especial do papa.[10]
Despois do seu matrimonio, Blyth tomou un descanso na súa carreira para centrarse na crianza dos seus cinco fillos, Timothy Patrick (nado o 10 de xuño de 1954), Maureen Ann (nada o 14 de decembro de 1955), Kathleen Mary (nada o 23 de decembro de 1957), Terence Grady (nado o 9 de decembro de 1960) e Eileen Alana (nada o 10 de abril de 1963).[11][12]
Filmografía editar
- Cinema
| Ano | Título | Personaxe | Notas |
|---|---|---|---|
| 1944 | Chip Off the Old Block | Glory Marlow III | |
| The Merry Monahans | Sheila DeRoyce | ||
| Babes on Swing Street | Carol Curtis | ||
| Bowery to Broadway | Bessie Jo Kirby | ||
| 1945 | Mildred Pierce | Veda Pierce Forrester | Candidata ao Óscar á mellor actriz secundaria |
| 1946 | Swell Guy | Marian Tyler | |
| 1947 | Brute Force | Ruth | |
| Killer McCoy | Sheila Carrson | ||
| 1948 | A Woman's Vengeance | Doris Mead | Título alternativo: The Gioconda Smile |
| Another Part of the Forest | Regina Hubbard | ||
| Mr. Peabody and the Mermaid | Lenore the Mermaid | ||
| 1949 | Red Canyon | Lucy Bostel | |
| Top o' the Morning | Conn McNaughton | ||
| Once More, My Darling | Marita Connell | ||
| Free for All | Ann Abbott | ||
| 1950 | Our Very Own | Gail Macaulay | |
| 1951 | Katie Did It | Katherine Standish | |
| The Great Caruso | Dorothy Park Benjamin | ||
| Thunder on the Hill | Valerie Carns | Título alternativo: Bonaventure | |
| I'll Never Forget You | Helen Pettigrew / Martha Forsyth | Títulos alternativos: The House in the Square Man of Two Worlds | |
| The Golden Horde | Princesa Shalimar | Título alternativo: The Golden Horde of Genghis Khan | |
| 1952 | The World in His Arms | Condesa Marina Selanova | |
| Sally and Saint Anne | Sally O'Moyne | ||
| One Minute to Zero | Mrs. Landa Day | ||
| 1953 | All the Brothers Were Valiant | Priscilla "Pris" Holt | |
| 1954 | Rose Marie | Rose Marie Lemaitre | |
| The Student Prince | Kathie Ruder | ||
| 1955 | The King's Thief | Lady Mary | |
| Kismet | Marsinah | ||
| 1957 | Slander | Connie Martin | |
| The Buster Keaton Story | Gloria Brent | ||
| The Helen Morgan Story | Helen Morgan | Títulos alternativos: Both Ends of the Candle e Why Was I Born? Dobrada por Gogi Grant |
- Televisión
| Ano | Título | Personaxe | Notas |
|---|---|---|---|
| 1954 | Lux Video Theatre | Angela | Episodio: "A Place in the Sun" |
| 1958–1963 | The Christophers | 2 episodios | |
| 1959 | The DuPont Show with June Allyson | Martha | Episodio: "Suspected" |
| 1959–1963 | Wagon Train | Nancy Winters / Eve Newhope / Clementine Jones / Martha Barham / Jenny / Phoebe Tannen | 5 episodios |
| 1960 | The Citadel | Christine | Telefilme |
| 1962 | The Dick Powell Show | Lizzie Hogan | Episodio: "Savage Sunday" |
| 1963 | Saints and Sinners | Edith Berlitz | Episodio: "The Year Joan Crawford Won the Oscar" |
| 1964 | The Twilight Zone | Pamela Morris / Constance Taylor | Episodio: "Queen of the Nile" |
| 1964–1965 | Burke's Law | Deidre DeMara Valerie |
2 episodios |
| 1965 | Kraft Suspense Theatre | Lady Mei | Episodio: "Jungle of Fear" |
| 1969 | The Name of the Game | Kay Martin | Episodio: "Swingers Only" |
| 1975 | Switch | Miriam Estabrook | Episodio: "Mistresses, Murder and Millions" |
| 1979–1983 | Quincy, M.E. | Velma Whitehead Dorothy Blake |
2 episodios |
| 1985 | Murder, She Wrote | Francesca Lodge | Episodio: "Reflections of the Mind" |
Notas editar
- ↑ 1,0 1,1 "Ann Blyth", Turner Classic Movies
- ↑ 2,0 2,1 2,2 King, Susan (12 de agosto de 2013). "Ann Blyth gets a TCM salute for her birthday". Los Angeles Times.
- ↑ "Ann Blyth an Actress Since She Was 5". Chicago Daily Tribune. 29 de xaneiro de 1950. p. G3.
- ↑ 4,0 4,1 Brownell, William (12 de outubro de 1952). "THE BLYTH SPIRIT: Show Business Still Stimulating to Ann Blyth, Youthful But Veteran Trouper". New York Times. p. X5.
- ↑ "Watch on the Rhine". Internet Broadway Database. Consultado o 2015-08-09.
- ↑ Blyth, Ann, "My Career Took a Toboggan Ride", in Peale, Norman Vincent (ed.) Faith Made Them Champions. Carmel, New York: Guideposts Associates, Inc., 1954, pp. 114–117.
- ↑ "The Life Story of ANN BLYTH". Picture Show 53 (1389) (Londres). 12 de novembro de 1949. p. 12.
- ↑ The Eddie Mannix Ledger. Os Ánxeles: Margaret Herrick Library, Center for Motion Picture Study.
- ↑ Motion Picture and Television Magazine, decembro de 1952, páxina 28, Ideal Publishers
- ↑ "Ann Blyth Wed as 600 Watch Church Service: ANN BLYTH MARRIED". Los Angeles Times. 28 de xuño de 1953. p. 1.
- ↑ "Daughter Born to Ann Blyth". Los Angeles Times. 11 de abril de 1963. p. 30.
- ↑ Anderson, Nancy (22 de agosto de 1974). "Ann Blyth has Cake and Eats it". Lodi News-Sentinel.
Véxase tamén editar
Wikimedia Commons ten máis contidos multimedia na categoría: Ann Blyth  |
Bibliografía editar
- Dye, David. Child and Youth Actors: Filmography of Their Entire Careers, 1914–1985. Jefferson, North Carolina: McFarland & Co., 1988, p. 22-23.