Ana Duato
Ana Duato, nada en Valencia o 18 de xuño de 1968, é unha actriz española.
_(cropped).jpg)  | |
| Biografía | |
|---|---|
| Nacemento | (es) Ana Consuelo Duato Boix 18 de xuño de 1968 (55 anos)Valencia, España |
| Datos persoais | |
| País de nacionalidade | España |
| Actividade | |
| Ocupación | actriz |
| Período de actividade | 1983 - |
| Lingua | Lingua castelá |
| Familia | |
| Cónxuxe | Miguel Ángel Bernardeau (1989–) |
| Fillos | Miguel Bernardeau |
   | |
Traxectoria editar
Dedicada desde moi nova á interpretación, debutou no cine da man do director Basilio Martín Patino, intervindo na súa película Madrid (1987). Conseguiu popularidade e recoñecemento por mor dos seus traballos en televisión, onde protagonizou numerosas e recordadas series. En 1989 aparece nun capítulo de Brigada Central, de Pedro Masó, onde coincidiu por primeira vez con Imanol Arias, actor moi vinculado á súa traxectoria posterior. En 1992 interveu en Celia, unha exitosa adaptación dos contos de Elena Fortún, a cargo de José Luís Borau e Carmen Martín Gaite. Dous anos despois, protagonizou xunto a Juanjo Puigcorbé a serie Villarriba y Villabajo, traballo en ton de comedia polo que optou ao premio Fotogramas de Prata como mellor actriz de televisión.
En 1996 afianza a súa carreira cinematográfica. Pilar Miró encárgalle o papel de Marcela na súa memorable adaptación de El perro del hortelano, e inicia unha frutífera colaboración co director cántabro Mario Camus, realizando os papeis protagonistas das súas películas Adosados e El color de las nubes.
Regresa en 1997 ao medio televisivo cun papel principal en Médico de familia. Consegue un Premio Fotogramas de Prata pola súa interpretación e abandona a serie ao dar a luz ao seu primeiro fillo. En 1998 incorpórase ao elenco de Querido maestro, novamente xunto a Imanol Arias, e máis tarde protagoniza Mediterráneo, series entre a comedia e o drama que dan mostra da súa versatilidade interpretativa.
Tras participar no filme Las razones de mis amigos (Gerardo Herrero, 2000), Ana Duato encarna á esposa de Severo Ochoa na luxosa produción de TVE dedicada ao científico asturiano, un novo éxito que pronto revalida mercé ao personaxe máis popular e premiado da súa traxectoria, o de Mercedes Alcántara en Cuéntame cómo pasó, serie de televisión que a volveu a unir a Imanol Arias e que contou coa súa dedicación absoluta nos últimos anos. Entre outros recoñecementos, foi seleccionada como semifinalista europea na 33ª edición dos Premios Emmy Internacional 2005 no apartado de mellor actriz.
Ana Duato destaca no persoal polo seu labor solidario, sendo embaixadora de boa vontade de UNICEF e colaborando en diversos proxectos humanitarios, como o que a levou ao país africano de Níxer en 2006.
É prima do famoso bailarín e coreógrafo Nacho Duato. Está casada co produtor Miguel Ángel Bernadeau, co que ten dous fillos, Miguel (1996) e María (2004).
Filmografía editar
- Las razones de mis amigos (2000)
- La vuelta de El Coyote (1998)
- El color de las nubes (1997)
- El perro del hortelano (1996)
- Adosados (1996)
- Amor propio (1994)
- Los amigos del muerto (1993)
- Y creó en el nombre del padre (1993)
- Una estación de paso (1992)
- Cómo levantar 1000 kilos (1991)
- Un negro con un saxo (1989)
- Madrid (1987)
Series de televisión editar
Premios e candidaturas editar
Premios Emmy Internacional
- Semifinalista europea mellor actriz de televisión (2005)
- Mellor actriz de televisión (1997, 2002, 2003)
- Candidata mellor actriz de televisión (1995, 2004)
- Mellor actriz (2001, 2002, 2003, 2006)
- Candidata mellor actriz (2004, 2005, 2007)
- Candidata mellor actriz protagonista de televisión (2003, 2004)
Premios da Academia da Televisión - ATV
- Mellor actriz (2007)
- Candidata mellor actriz (2002, 2003, 2004, 2005, 2006, 2008)
Premios Zapping
- Mellor actriz (2004, 2005)