Akiba Rubinstein

xadrecista polaco



Akiba Kiwelowicz Rubinstein, máis coñecido como Akiba Rubinstein, nado o 12 de decembro de 1882 en Stawiski (Polonia) e finado o 15 de marzo de 1961 en Antwerp (Bélxica), foi un xogador de xadrez de principios do século XX. A pesar de que non chegou a ser campión do mundo, as súas partidas estúdanse aínda hoxe en día e teñen unha grande influencia no xadrez actual.

Infotaula de personaAkiba Rubinstein

Akiba Rubinstein
Biografía
Nacemento12 de decembro de 1882
Stawiski Polonia Polonia
Morte15 de marzo de 1961
Antwerp Bélxica Bélxica
Datos persoais
País de nacionalidadePolonia Editar o valor em Wikidata
Actividade
OcupaciónXogador de xadrez
LinguaLingua polaca Editar o valor em Wikidata
Nacionalidade deportivaPolonia
Rusia Editar o valor em Wikidata
Deportexadrez Editar o valor em Wikidata
Título de xadrecistaGrande Mestre de Xadrez (pt) Traducir (1950) Editar o valor em Wikidata
Traxectoria
  Equipo Competición
- Q9395030 Traducir Editar o valor em Wikidata
Participou en
1931Olimpíada de xadrez de 1931 (pt) Traducir
1930Olimpíada de xadrez de 1930 (pt) Traducir Editar o valor em Wikidata

BNE: XX1081593 WikiTree: Rubinstein-87

Traxectoria

editar

De pais xudeus, pronto decidiu dedicarse por completo ao xadrez; crese que foi en 1903, logo de alcanzar o quinto posto nun torneo en Kíiv. O xogo de Rubinstein floreceu especialmente entre 1907 e 1912. Comezando cunha vitoria en Carlsbad en 1907 e un primeiro posto compartido en San Petersburgo o mesmo ano, en 1912 alcanzou un refacho récord de vitorias, alcanzando a vitoria en cinco grandes torneos consecutivos: Donostia, Piešťany, Wrocław (campionato xermano), Varsovia e Vilna.

Na época de Rubinstein non existía un ciclo polo título de campión do mundo nin nada semellante, senón que un xogador tiña que xuntar certa cantidade de diñeiro e patrocinadores para conseguir disputar un match pola coroa. Rubinstein nunca tivo a posibilidade de enfrontarse ao entón campión Emanuel Lasker, xa que nunca puido xuntar este diñeiro. Ademais as súas posibilidades diminuíron tras un pobre resultado en San Petersburgo en 1914, e finalmente polo estalido da primeira guerra mundial e a aparición do novo talento, José Raúl Capablanca.

Tras a guerra, Rubinstein continuou sendo un gran xogador, aínda que os seus resultados non volveron ser os mesmos que no período 1907-1912. Aínda así, venceu un importante torneo en Viena en 1922, por diante do futuro campión mundial Alexander Alekhine, e foi o líder da selección polaca que venceu nas Olimpíadas de xadrez de Hamburgo en 1930. Nesta competición conseguiu a gran marca de 13 vitorias e 4 táboas. Un ano máis tarde, gañou a medalla de prata olímpica.

Tras 1932 retirouse do xogo activo, principalmente por problemas de esquizofrenia (parece ser que sufría de antropofobia). Aínda que viviu case 30 anos máis, non deixou tras de si ningún legado en forma de libro, como fixeron outros grandes xogadores de xadrez. Existen moitos esquemas, plans e aperturas que proveñen directamente das súas partidas.

Véxase tamén

editar

Ligazóns externas

editar