Afonso Froilaz

Afonso Froilaz
Nacemento	911
Falecemento	933
Lugar de falecemento	Ruiforco de Torío
Soterrado	Basílica de Santo Isidoro de León
Nacionalidade	Reino de León
Ocupación	gobernante
Pai	Froila II
Nai	Nunilona Ximena
	[ editar datos en Wikidata ]
	v; c; e;

Afonso Froilaz foi rei de León e de Galiza^[1] durante un breve lapso de tempo, entre 925 e 926; tan desafortunado foi que a historia nin sequera o rexistra cun ordinal para acompañar o nome. A súa situación na cronoloxía dos "Reis de León" foi estabelecida só no século XX por Claudio Sánchez-Albornoz apoiándose en dous textos do século X, a nómina "rotense" e a "vigilana".

Traxectoria editar

Fillo e sucesor natural de Froila II, que xa tivera un reinado conflitivo, pois era un usurpador e contaba con moitos inimigos, poucos meses despois de ascender ao trono os fillos de Ordoño II, Sancho Ordoñes e Afonso Ordoñes tomaron armas contra el, por se xulgaren con máis dereito á coroa de León (unha vez que o trono lles fora usurpado polo pai de Afonso, o rei Froila, irmán de Ordoño). Sancho ficou coas terras galegas ao norte do río Miño e Afonso coas Terra de Foris. Asturias e Castela (coroado o 12 de febreiro de 926). Afonso Froilaz, vencido, refuxiouse nas Asturias, onde parece que mantivo o control da rexión até 931 sen renunciar ás súas pretensións ao trono. En 932 foi feito prisioneiro, xunto cos seus irmáns Ordoño e Ramiro, e o anterior rei, Afonso IV, por Ramiro II, o cal ordena que sexan todos cegados e encarcerados en mosteiros. No mosteiro de Ruiforco morreu uns anos máis tarde; dise que o futuro Ordoño IV era seu fillo, mais non hai probas que corroboren que Afonso teña tido descendentes.

Notas editar

↑ Outros historiadores non fan a diferenciación política entre reino de Galiza e o de León, considerando que en realidade Afonso Froilaz foi rei de toda Galiza.

Véxase tamén editar

Bibliografía editar

López Carreira, Anselmo (2003). Os reis de Galicia. Vigo: Edicións A Nosa Terra. ISBN 84-96203-44-1.
Carriedo Tejedo, Manuel (2014). "La familia gallega del rey Alfonso Froilaz (926-931)" (PDF). Rudesindus (en castelán) (Academia Auriense-Mindoniense de San Rosendo) (9): 107–152. ISSN 2255-5811.

Outros artigos editar

Ligazóns externas editar

Xenealoxía dos reis de León e Asturias en inglés
Los Reyes de León
Especial do Diario de León

Reino de Galicia
Segue a: Froila II	Afonso Froilaz (925-926)	Precede a: Sancho I
Segue a: Froila II		Precede a: Sancho I

[1] Outros historiadores non fan a diferenciación política entre reino de Galiza e o de León, considerando que en realidade Afonso Froilaz foi rei de toda Galiza.

[1]