Adolfo Bregua Mouriño
Adolfo Bregua Mouriño, nado na Coruña o 27 de setembro de 1906, foi un militar galego.
| Biografía | |
|---|---|
| Nacemento | 27 de setembro de 1906  A Coruña, España |
| Morte | valor descoñecido valor descoñecido |
| Actividade | |
| Ocupación | carpinteiro, militar |
| Cronoloxía | |
| 4 de xaneiro de 1937-7 de xaneiro de 1937 | evasión de La Libertaria
|
 | |
Traxectoria
editar
Caixonista. Foi delegado do Sindicato de Cajonistas y Aserradores La Libertad da Coruña, no que tamén ocupou os cargos de presidente e secretario. Foi detido en maio de 1934 con outros compañeiros da CNT por alteración da orde pública durante un mitin.[1] Participou en mitins en Corme, en abril de 1936, e Cariño e Espasante, en maio de 1936. Foi socio do Centro de Estudios Sociales Germinal.
Logo do golpe de Estado do 18 de xullo de 1936 agochouse e contactou con outros militantes dispersos que non foran capturados. Grazas á colaboración dos militantes do Sindicato El Despertar Marítimo, logrou fuxir da Coruña a principios de xaneiro de 1937, na embarcación La Libertaria, coa que chegaron ao porto de Xixón o 7 de xaneiro de 1937. Loitou no exército republicano. En 1937 foi procesado e declarado rebelde polo Xulgado de Ordes xunto con Antonio Sánchez Veira, José Moreno Torres e Jesús Hermida Iglesias, e decretada a súa busca e captura.[2] Abríronlle expediente de responsabilidades políticas en 1941, que foi sobresido en abril de 1944.[3]
Coa derrota da República exiliouse en Francia. Entrou no hospital Saint-Louis Perpignan o 27 de agosto de 1939, procedente de Barcarès. Preso en Trier, foi deportado ao campo de concentración de Mauthausen-Gusen en decembro de 1940 e trasladado a Gusen en xaneiro do 1941. Sobreviviu por ser xogador de fútbol. Liberado en maio do 1945, marchou ao Brasil. Despois retornou ao seu barrio de Vioño.
Vida persoal
editarCasou na Coruña con Rogelia Barba Rumbo en 1928.[4] Rogelia finou en Porto Alegre o 18 de xullo de 1982. Foron pais de Adolfo e Jaime Bregua Barba.[5]
Notas
editarVéxase tamén
editarBibliografía
editar- Fernández Fernández, Eliseo (2007). "Do paraíso ao inferno. A experiencia vital de Adolfo Bregua Mouriño". Casa da Gramática (28).