A Veiga de Espiñareda

Para outras páxinas con títulos homónimos véxase: A Veiga (homónimos).

A Veiga de Espiñareda^{[Cómpre referencia]} (en castelán e oficialmente: Vega de Espinareda) é un concello da comarca do Bierzo (provincia de León, comunidade autónoma de Castela e León que cobre unha superficie de 132,01 km², na que vivían 2 419 habitantes no ano 2012, cunha densidade de poboación de 18,32 h/km². Este concello é bilingüe, as aldeas que fican á dereita (oeste) do río Cúa son galegofalantes, mentres as demais falan unha fala de transición entre o leonés e o galego, pero con maior influencia leonesa.

A Veiga de Espiñareda

Localización
42°43′33″N 6°39′18″O
Estado	España
Comunidade autónoma	Castela e León
Provincia	provincia de León
Capital	A Veiga de Espiñeireda
Contén a división administrativa	A Bustarga A Veiga de Espiñeireda Burbia Espiñareda da Veiga Moreda Penoselo Q47766343 San Martiño de Moreda San Pedro de Oleiros Sésamo Val de Finolledo Vilar de Outeiro
Poboación
Poboación	2.016 (2023) (15,27 hab./km²)
Xeografía
Parte de	Mancomunidade Fabero-A Veiga de Espiñareda Mancomunidade Val do Burbia Consello Comarcal do Bierzo
Superficie	132,01 km²
Altitude	604 m
Comparte fronteira con	Sancedo Val de Ancares Fabeiro Berlanga del Bierzo Cubillos del Sil Cervantes Cacabelos Vilafranca Arganza Toreno
Organización política
• Alcalde da Veiga	Santiago Rodríguez García (en)
Identificador descritivo
Código postal	24430
Fuso horario	UTC+01:00
Código INE	24196
Sitio web	vegadeespinareda.org

Historia

O actual concello é o herdeiro do señorío da abadía de Santo André de Espiñareda; este mosteiro, moi reformado, aínda se conserva. Os habitantes do lugar da Veiga da Espiñareda van xurdindo segundo evoluciona a vida monástica, fornecendo vasalos e criados para a súa manutención. O 3 de setembro de 1336, o Abade Fernando dá carta de poboación a 25 veciños, e aos que veñan morar á vila da Veiga, concedéndolles as súas propiedades dende Finolledo ata Sésamo, os montes de Oceiru e outros termos, a cambio de obrigas, pagamentos e impostos. O Abade comprométese a avogar ante o rei de todos os privilexios concedidos.

A vila de Veiga de Espiñareda está situada no norte da bisbarra do Bierzo (León - España), a 25 quilómetros de Ponferrada, capital e centro administrativo, xudicial e económico da bisbarra antes citada.

Trala agregación dos concellos de Burbia (no século XIX) e máis recentemente (en 1974), do Val de Finolledo, A Veiga de Espiñareda converteuse no concello máis extenso da zona, pois o seu termo se estende por 132,6 km² con 2 538 habitantes.

A capital e cabeceira do concello é A Veiga de Espiñareda que ten 1 577 habitantes. E tras ela: Sésamo, con 328; Val de Finolledo con 217; San Pedro de Oleiros, con 128; El Espín, con 89; Burbia, con 68; San Martín de Moreda, con 53; Moreda, con 43; Espinareda de Veiga, con 19; Vilar de Outeiro, con 7; Penoselo, con 5; A Bustarga, con 4; e As Salgueiras, (despoboado). Todos eles conforman este amplo concello e a gran maioría destes lugares son ideais para o descanso, a práctica de deportes e a contemplación da beleza das súas paraxes.

Parroquias

• Burbia
• A Bustarga
• El Espín
• Espinareda de Veiga
• Moreda
• Penoselo
• As Salgueiras
• San Pedro de Oleiros
• San Martín de Moreda
• Sésamo
• Val de Finolledo
• A Veiga de Espiñareda
• Vilar de Outeiro