A Eiriña, Pontevedra

barrio da cidade de Pontevedra

Coordenadas: 42°25′38″N 8°38′07″O / 42.427222, -8.635278

A Eiriña é un barrio residencial da cidade de Pontevedra[1], situado ao leste do centro urbano.

A Eiriña
Fonte da Eiriña.jpg
Fonte da Eiriña, a carón da rúa Joaquín Costa
ParroquiaPontevedra
ConcelloPontevedra
editar datos en Wikidata ]

LocalizaciónEditar

Sitúase ao norte do Gorgullón, ao noroeste do barrio da Parda, ao oeste dos Salgueiriños e ao sur do barrio da Seca. Na actualidade forma parte do núcleo urbano, pero no nomenclátor oficial de 1940 pertencía á parroquia de Mourente.

HistoriaEditar

En 1897 inaugurouse no barrio o Hospital Provincial de Pontevedra. O barrio deu nome ao equipo de fútbol Eiriña CF, creado en 1921, que en 1941 se fusionou co Alfonso XIII Foot-ball Club para dar lugar ao Pontevedra CF. O equipo xogaba os seus encontros no Campo do Progreso.

En 1969 a Caixa de Aforros Provincial de Pontevedra construíu no barrio catro bloques con 112 vivendas, na leira dos Canos de Arriba[2], e a carón dos bloques construíuse a igrexa parroquial da Virxe do Camiño.

DescriciónEditar

Ademais da igrexa parroquial Virxe do Camiño do arquitecto Francisco Taracido Fraga (inaugurada en 1974) está situado neste barrio o Colexio Calasancio e as oficinas de Telefónica na cidade. O barrio está atravesado pola liña ferroviaria do Eixe Atlántico A Coruña-Vigo, de alta velocidade.

Galería de imaxesEditar

NotasEditar

  1. Fariña Pérez, E. (2005). El Barrio de La Eiriña. 
  2. López Torre, R. (2000). La Caja de Pontevedra. 1930/2000. Caja de Pontevedra. p. 289-290. 

Véxase taménEditar

Outros artigosEditar