Zhongyong
O Zhongyong (chinés tradicional e simplificado: 中庸; pinyin: Zhōngyōng; Wade-Giles: Chung1-yung1; lit. "A doutrina do medio") é un dos Catro Libros (sishu 四書) do confucianismo. O texto atribúeselle a Zisi, o neto de Confucio. Na súa orixe, era un capítulo do Liji 禮記 ou Libro dos ritos, un dos Cinco Clásicos (wujing 五經).
| Zhongyong | |
|---|---|
 | |
| Autor/a | Zisi |
| Lingua | Chinés clásico |
| [ editar datos en Wikidata ] | |
A expresión "doutrina do medio" aparece no libro VI, liña 29, do Lunyu de Confucio:
O mestre [Confucio] dixo: "A virtude que encarna a doutrina do medio é de primeira orde. Porén, hai moito que é infrecuente na xente".
O Lunyu non explica o significado do termo, mais o texto de Zisi explora o seu sentido en detalle, así como a súa utilidade para a propia vida. Trátase dunha aplicación da metafísica confuciana á política e á ética.
Autoría
editarA autoría do Zhongyong non é clara. A tradición atribúe o tratado a Zisi, neto de Confucio e discípulo de Zeng Shen.[2][3] Porén, esta idea foi cuestionada xa na dinastía Qing, polo erudito Cui Shu (1740-1816).[3] Segundo algúns expertos actuais, varias partes do texto poderían ter sido escritas ou editadas por confucianos durante o paso da dinastía Qin á Han.[2] Outros pensan que é obra do propio Confucio.[4] Non obstante, o consenso é que o libro recolle as doutrinas éticas fundamentais da ensinanza confuciana.[5]
Contidos
editarO Zhongyong é un texto cargado de simbolismo que ofrece unha guía para o perfeccionamento espiritual. O obxectivo da súa doutrina é manter o equilibrio e a harmonía da mente, seguindo a orde natural das cousas e evitando os excesos.[6] Neste sentido, entre os seus valores principais están a moderación, a rectitude, a obxectividade, a sinceridade, a honestidade e mais o decoro.[6]
Para poder lograr esta meta, o libro propón tres guías: o autocontrol, a indulxencia e a sinceridade. Quen siga estas tres regras, poderá considerarse unha persoa respectable (junzi 君子):[7]
O mestre dixo: "Unha persoa respectable encarna a vía do medio; a persoa corrente actúa do xeito contrario".Zhongyong, 2[8]
Notas
editar- ↑ Watson 2007.
- ↑ 2,0 2,1 Doorn & Jing 2020.
- ↑ 3,0 3,1 Shen 2013, p. 119-121.
- ↑ Huang 2014, p. 142.
- ↑ Suh 2020.
- ↑ 6,0 6,1 VV. AA. 2016.
- ↑ Deng 2000.
- ↑ Legge 1893.
Véxase tamén
editarBibliografía
editar- Deng, Qiubai (2000). "Lun Zhongyong zhi dao 论中庸之道 [Sobre a doutrina do medio]". Shoudu Shifan Daxue Zhengfaxi (en chinés) 6. doi:10.3969/j.issn.1004-9142.2000.06.007.
- Doorn, Neelke; Jing, Shan (2020). "Engineers' Moral Responsability: A Confucian Perspective". Science and Engineering Ethics (en inglés) 26 (1). ISSN 1353-3452. doi:10.1007/s11948-019-00093-4.
- Huang, Yong (2014). Why Be Moral?: Learning from the Neo-Confucian Cheng Brothers (en inglés). SUNY Press. ISBN 978-1-4384-5291-3.
- Legge, James (1893). The Doctrine of the Mean (en inglés).
- Shen, Vincent (2013). Dao Companion to Classical Confucian Philosophy (en inglés). Springer. ISBN 978-90-481-2936-2.
- Suh, Jungho (2020). "The Confucian doctrine of the Mean, the optimality principle, and social harmony". Society and Economy (en inglés) 42 (1). doi:10.1556/204.2020.00004.
- VV. AA. (2016). "Zhongyong". Encyclopedia Britannica (en inglés).
- Watson, Burton (2007). The Analects of Confucius (en inglés). Columbia University Press. ISBN 978-0-231-14164-2.