Xurx Kahala
Xurx Kahala[1][2] (en árabe: جورج كحّالة), nado en Alepo o 1 de agosto de 1938, é un relixioso católico melquita sirio, dende 1995 exarca apostólico de Venezuela.
| Biografía | |
|---|---|
| Nacemento | 1 de agosto de 1938  (85 anos)Alepo, Siria |
| Bispo titular | |
| 12 de outubro de 1995 – Diocese: Abila Lysaniae (en)  | |
| Datos persoais | |
| País de nacionalidade | Siria |
| Relixión | Igrexa católica |
| Educación | Holy Spirit University of Kaslik (en) |
| Actividade | |
| Ocupación | bispo católico (1995–), sacerdote católico (1966–), bispo titular |
| Lingua | Árabe |
| Orde relixiosa | Orde Basiliana Alepina |
| Consagración | Máximo V Hakim |
Traxectoria editar
Xurx Kahala naceu en Alepo o 1 de agosto de 1938. Aos 10 anos de idade ingresou no seminario menor dos alepinos no Líbano, e posteriormente estudou cos xesuítas. Realizou estudos superiores de Filosofía e Teoloxía na Universidade Espírito Santo de Kaslik, Islamoloxía na Universidade San Xosé de Beirut, onde tamén doutorouse en Filosofía, e obtivo un diploma en Estudos pastorais pola Universidade de Montreal.[3]
Foi ordenado sacerdote o 2 de febreiro de 1966 polo arcebispo Hilariun Kabutxi[4] Foi director do seminario dos alepinos entre 1967 e 1970, e ao mesmo tempo profesor de Filosofía da Universidade Espírito Santo. En 1972 foi nomeado párroco en Caracas, cargo que mantivo até 1989.[3]
En 1989 volveu ao Líbano, onde foi nomeado vigairo xeral da súa orde, e onde pasou a encargarse da formación dos novizos. O 12 de outubro de 1995 o papa Xoán Paulo II nomeouno exarca apostólico de Venezuela, visitador apostólico para os melquitas da Arxentina, e bispo titular de Abila Lysaniae. Recibiu a consagración episcopal o 21 de decembro de 1995 de mans do patriarca Máximo V.[3]
Notas editar
- ↑ Transliteración segundo o traballo Transliteración e adaptación do árabe: aplicación terminolóxica de Víctor Fresco Barbeito.
- ↑ Tamén coñecido por outras romanizacións do seu nome: Georges Kahhalé, Jorge Kahhale.
- ↑ 3,0 3,1 3,2 "Exarchat Apostolique du Vénézuéla - Brève notice biographique de l'exarque apostolique actuel". Patriarcado Católico Greco-Melquita (en francés).
- ↑ Nome orixinal árabe: هيلاريون كابوتشي, tamén romanizado como Hilarion Capucci.
| Dignidades da Igrexa católica | ||
|---|---|---|
| Predecesor: Butrus Rai |
Exarca apostólico de Venezuela dende 1995 |
Sucesor: (no cargo) |