Julio Rodríguez Yordi
Julio Rodríguez Yordi, nado na Coruña o 7 de novembro de 1894 e finado na mesma cidade o 27 de setembro de 1967,[1] foi un escritor, poeta, ensaísta e xornalista galego.
| Julio Rodríguez Yordi | |
|---|---|
| Nacemento | 7 de novembro de 1894 |
| Lugar de nacemento | A Coruña |
| Falecemento | 27 de setembro de 1967 |
| Lugar de falecemento | A Coruña |
| Nacionalidade | España |
| Alma máter | Escola Superior de Comercio da Coruña |
| Ocupación | escritor e xornalista |
| Pai | Eladio Rodríguez González |
| Cónxuxe | María Luisa Durán Marquina |
| [ editar datos en Wikidata ] | |
Traxectoria editar
Foi fillo do lexicógrafo Eladio Rodríguez González. Estudou a carreira de Comercio na Escola de Comercio da Coruña. Dedicouse á literatura e ó xornalismo e desenvolveu tamén unha labor empresarial.
Publicou as novelas Cristal y Sonrisa e La peña y la peña. Á súa morte publicáronse outras obras súas que estaban inéditas: Quenje en Conjo, Agenor, Haz de Ensayos, Rincón y esquina e Tren y andén, biografía y viografía. Colaborou asiduamente nos xornais El Orzán e El Noroeste.[2]
Ingresou como membro numerario na Real Academia Galega o 6 de outubro de 1955[3], a proposta de Ángel del Castillo, Leandro Carré Alvarellos, José Luís Bugallal Marchesi e Francisco Vales Villamarín, pronunciando o discurso Lo maternal en Emilia Pardo Bazán, respondido por Antonio Rey Soto.[4]
En agosto de 2013 os seus fondos manuscritos foron doados á Real Academia Galega polo seu fillo[5].
Vida persoal editar
Casou con María Luisa Durán Marquina.
Notas editar
- ↑ "Fallece el escritor Rodríguez Yordi". ABC (en castelán). 29-9-1967.
- ↑ Biblioteca Municipal de Estudos Locais: Rodríguez Yordi, Julio Arquivado 01 de xuño de 2020 en Wayback Machine.
- ↑ "Julio Rodríguez Yordi". Real Academia Galega.
- ↑ Rodríguez Yordi, J. (2015). Lo maternal en Emilia Pardo Bazán. A Coruña: Real Academia Galega.
- ↑ "A Real Academia Galega incorpora manuscritos do escritor Julio Rodríguez Yordi". Cultura Galega. 23 de agosto de 2013.
Véxase tamén editar
Bibliografía editar
- "Rodríguez Yordi, Xulio". Dicionario biográfico de Galicia 3. Ir Indo Edicións. 2010-2011. p. 199.
- "Rodríguez Yordi, Julio". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.
- Couceiro Freijomil, Antonio (1951-53). Diccionario bio-bibliográfico de escritores (en castelán) III. Bibliófilos Gallegos. p. 238.
Ligazóns externas editar
- Bugallal, Isabel: "Hacer un coruñés no es tan fácil" La Opinión Coruña, 24/10/2016 (en castelán).