José González Dopeso

José González Dopeso, nado na Coruña o 28 de maio de 1916 e finado na Coruña o 11 de decembro de 1989, foi un avogado e político galego.

José González Dopeso

Biografía
Nacemento	28 de maio de 1916 A Coruña, España
Morte	11 de decembro de 1989 (73 anos) A Coruña, España
Actividade
Ocupación	avogado, político

Tumba de González Dopeso no cemiterio de Santo Amaro da Coruña.

Traxectoria

Licenciado en Dereito pola Universidade de Valladolid. Foi letrado da Organización Sindical (1940-1945). Foi concelleiro da Coruña entre 1952 e 1958. Foi presidente do Español de Santa Lucía, da Federación Galega de Boxeo e do Club de Tenis da Coruña, ademais de vicepresidente do Deportivo da Coruña e da Federación Galega de Tenis. Tamén presidiu o Fabril na época en que este se fusionou co Club Deportivo Xuvenil e pasou a ser filial do Deportivo da Coruña. Foi elixido deputado no Parlamento de Galicia pola Coruña na I lexislatura (1981-1985), por Alianza Popular. En 1982 foi nomeado conselleiro de Xustiza e Interior. Foi fundador e presidente de Amigos de La Coruña (1972) e abandonou Alianza Popular en 1987 e presentouse á alcaldía da Coruña por Unión Coruñesa.

Predecesor: -

Conselleiro de Xustiza e Interior  1982 - 1982

Sucesor: José Manuel Romay Beccaría

Véxase tamén

Bibliografía

• Porteiro, Mª Xosé; Perozo, Xosé A. (1981). Quen é quen no primeiro Parlamento Galego. Vigo: Xerais. pp. 184–187. ISBN 84-7507-044-2.