Xoán Manuel Bastida
Xoán Manuel Rodríguez Bastida, nado en Sillobre o 20 de xullo de 1954, é un doutor, sindicalista e político galego.
| Biografía | |
|---|---|
| Nacemento | 1954  (69/70 anos)Fene, España |
| Datos persoais | |
| País de nacionalidade | España |
| Educación | Universidade de Santiago de Compostela |
| Actividade | |
| Lingua | Lingua castelá |
Traxectoria editar
En 1969 comezou a traballar en Astano. Sindicalista de Comisións Obreiras militou no PCG ata 1977 ao se incorporar ao Partido Obreiro Galego. Cunha bolsa de estudos da empresa licenciouse en medicina pola Universidade de Santiago de Compostela en 1980 e nese ano deixou CCOO para participar na creación da Confederación Sindical Galega, militando asemade en Esquerda Galega ata 1984. Foi médico de diferentes equipos ciclistas de Portugal e España e do Xacobeo Galicia dende a súa creación en 2007 ata o seu despedimento en 2009 para contratar un doutor colombiano acusado de realizar prácticas de dopaxe[1]. Tras a formación de Anova pasou a se integrar na nova formación[2]. En 2015 entrou na corporación municipal de Fene como membro da candidatura de Somos Fene-Participación Democrática Directa. En 2017 apoiou unha moción de censura do PP contra do alcalde do BNG o que supuxo a retirada legal da participación PDD da candidatura de Somos Fene e a imposibilidade legal por defecto de forma de saír adiante ao pasar os concelleiros de Somos Fene a ser non adscritos[3]. Finalmente a moción saíu adiante en abril de 2018, converténdose Bastida en segundo tenente de alcalde[4]. Nas eleccións xerais de 2019 encabeza a candidatura ao Congreso pola provincia da Coruña de Compromiso por Galicia.
Notas editar
- ↑ "La Justicia da la razón al doctor Bastida en su despido del Xacobeo". La Voz de Galicia, 23 de abril de 2013
- ↑ "Dez persoas optarán aos postos de ANOVA-IN na lista galega ás eleccións europeas" Anova Ourense, 24 de marzo de 2014
- ↑ "El cese de los dos ediles de Somos Fene del grupo PDD trunca la moción de censura" Diario de Ferrol, 7 de xuño de 2017
- ↑ "Nomeamentos do novo Goberno Municipal" Concello de Fene, 10 de abril de 2018