Xan Arias

Xan Arias-Andreu Rodríguez, nado en Madrid, é un escritor e editor galego.

Xan Arias

Biografía
Nacemento	Madrid
Datos persoais
País de nacionalidade	España
Actividade
Ocupación	escritor
Lingua	Lingua castelá

Traxectoria

Estableceuse na Galiza da meirande parte dos seus antepasados desde mediados dos anos 80. Desenvolveu a súa actividade profesional en diferentes gabinetes de prensa institucionais, como a xefatura de prensa da Consellería de Cultura na época de Alfredo Conde e a de diversos simposios e eventos culturais. Foi director e presentador dos programas Nós e Itinerario Máxico en Radio 4 de RNE en Galiza e colaborou en diversos medios de comunicación (La Voz de Galicia, El Ideal Gallego, El Progreso e A Nosa Terra, entre outros).

Fundou e dirixe a Editorial Trifolium, traballo que compaxina co seu labor de asesor de prensa na Delegación Provincial de Cultura e Deporte na Coruña.

Obra en galego

Ensaio

• A encadernación, 1995, Xunta de Galicia.

Obras colectivas

• Millenium en Compostela. 18 voces no Camiño de Santiago, 2003, Asociación de Periodistas e Estudosos do Camiño de Santiago.

Edicións

• Cartas a Emilio González López, 2006, Editorial Trifolium.
• A Coruña nos textos dos viaxeiros. Séculos XVIII, XIX e XX, 2008, Editorial Trifolium.

Obra en castelán

Ensaio

• Viajeros por Galicia, 1998, Ediciós do Castro. En 2011 publicouse a versión en galego, Viaxeiros por Galicia, na Editorial Trifolium, con tradución de Enrique Sánchez.

Véxase tamén

Ligazóns externas

• Xan Arias na páxina web da Asociación de Escritoras e Escritores en Lingua Galega.