William Vickrey
William Spencer Vickrey, nado en Victoria (Columbia Británica o 21 de xuño de 1914 e finado en Harrison (Nova York) o 11 de outubro de 1996 foi un profesor de economía canadense. Vickrey foi galardoado co premio Nobel de Economía en 19966 con James Mirrlees polas súas investigacións na teoría económica dos incentivos baixo información asimétrica, converténdose no primeiro premio Nobel nado na Columbia Británica.
| Nome orixinal | (en) William Spencer Vickrey  |
|---|---|
| Biografía | |
| Nacemento | 21 de xuño de 1914 Victoria, Canadá |
| Morte | 11 de outubro de 1996 (82 anos) Harrison, Estados Unidos de América (en)  |
| Causa da morte | insuficiencia cardíaca |
| Presidente American Economic Association (pt) | |
| 1992 – 1993 | |
| Datos persoais | |
| Residencia | Nova York (1914–1996) |
| Educación | Universidade Columbia - economía (–1947) Universidade Yale - matemáticas (–1935) Yale College (en) Phillips Academy |
| Director de tese | Carl Shoup (en) e Robert M. Haig (pt) |
| Actividade | |
| Campo de traballo | Economía |
| Ocupación | economista, investigador |
| Empregador | Universidade Columbia |
| Membro de | |
| Obra | |
| Doutorando | David Colander (pt) , Jacques Drèze e Seymour Sacks (en) |
| Premios | |
 | |
O anuncio do premio tivo lugar xusto tres días antes do seu pasamento. Vickrey faleceu mentres viaxaba a unha conferencia sobre estudos georgistas que el axudara a fundar e á que non faltara en vinte anos.[1][2] O seu colega do departamento de economía da Universidade de Columbia C. Lowell Harriss[3] aceptou o premio no seu nome. Só hai outros tres casos en que o premio Nobel fose presentado postumamente.
Traxectoria
editarPrimeiros anos
editarVickrey naceu en Columbia Británica e asistiu ao instituto na Phillips Academy en Andover, Massachusetts. Despois de obter o seu Bacharelato de Ciencias en matemáticas na Universidade Yale en 1935, continuou a completar o seu mestrado en 1937 e o seu doutoramento na Universidade de Columbia en 1948, onde permaneceu a maior parte da súa carreira.
Carreira
editarVickrey foi o primeiro que empregou as ferramentas da teoría de xogos para explicar a dinámica das poxas.[4] No seu artigo trascendental sobre o tema, Vickrey derivou varios equilibrios das poxas, e achegou un resultado temperán de equivalencia de ingresos. O teorema da equivalencia de ingresos permanece no centro da moderna teoría das poxas. A poxa de Vickrey recibe o seu nome.[4]
Vickrey traballou nas tarifas de conxestión, o concepto de que as estradas e outros servizos deberían ser taxadas para que os usuarios vexan os custos que xorden dos servizos que están sendo usados completamente cando aínda hai demanda.[5][6][7] As tarifas de conxestión dan un sinal aos usuarios para que axusten o seu comportamento ou aos investidores para expandir o servizo para quitar a restrición. A teoría foi máis tarde posta en práctica en Londres.
En economía pública, Vickrey estendeu a aproximación da tarifa de custo marxinal georgista de Harold Hotelling[8] e mostrou como os bens públicos deberían ser proporcionados con custo marxinal e os gastos de investimento de capital financiados co Imposto sobre Bens Inmobles. Vickrey escribiu que substituír os impostos sobre a produción e o traballo ("incluídos os impostos da propiedade sobre as melloras") con pagamentos por terreos valiosos "melloraría substancialmente a eficiencia económica da xurisdición".[9] Vickrey argumentou que o Imposto sobre Bens Inmobles non tiña efectos adversos e que substituír os impostos existentes desa forma incrementaría a produtividade local abondo para que os prezos da terra se incrementasen en lugar de caer. Tamén deu un argumento ético para a toma de valor georgista, notando que os propietarios de lugares de valor aínda teñen bens públicos locais, mesmo se escollen non empregalos, así que sen o Imposto sobre os Bens Inmobles, os usuarios da terra teñen que pagar dúas veces por eses servizos (unha no imposto ao goberno e outra no alugamento aos propietarios dos títulos dos terreos).[10]
A filosofía económica de Vickrey foi influída por John Maynard Keynes e Henry George.[11] Foi crítico coa Escola de economía de Chicago e foi un voceiro na oposición ao foco político na consecución de orzamentos equilibrados e a loita contra a inflación, especialmente en tempos de forte desemprego. Traballando baixo o xeneral MacArthur, Vickrey axudou á reforma radical da terra no Xapón.[12]
Vickrey tivo moitos estudantes de graduado e protexidos na Universidade de Columbia, entre eles os economistas Jacques Drèze, Harvey J. Levin,[13] e Lynn Turgeon.[14]
Vida persoal
editarVickrey casou con Cecile Thompson en 1951. Era cuáquero e membro da Friends Meeting de Scarsdale.[15] Faleceu en Harrison, Nova York en 1996 fun fallo cardíaco.
Notas
editar- ↑ Netzer, Dick (novembro de 1996). "Remembering William Vickrey". Land Lines. 8 (6). Consultado o 2 de setembro de 2016.
- ↑ Gaffney, Mason. "Warm Memories of Bill Vickrey". Land & Liberty. Arquivado dende o orixinal o 16 de novembro de 2016. Consultado o 15 de novembro de 2016.
- ↑ C. Lowell Harriss
- ↑ 4,0 4,1 Vickrey, 1961
- ↑ "Nobelist William S. Vickrey: Practical Economic Solutions to Urban Problems". Columbia University. 8 de outubro de 1996. Consultado o 27 de marzo de 2009.
- ↑ Gross, Daniel (17 de febreiro de 2007). "What's the Toll? It Depends on the Time of Day". The New York Times. Consultado o 15 de xullo de 2008.
- ↑ Victoria Transport Policy Institute (1992). "Principles of Efficient Congestion Pricing – William Vickrey". Victoria Transport Policy Institute. Consultado o 10 de marzo de 2009.
- ↑ Red-Light Taxes and Green-Light Taxes Mason Gaffney For the Conference (14 de maio de 1998). "Sharing Our Common Heritage: Resource Taxes and Green Dividends". Oxford: Mansfield College. Arquivado dende o orixinal o 07 de outubro de 2021. Consultado o 10 de outubro de 2019.
Georgists need to introspect deeply over this case, and many like it, and master the theory and practice of marginal-cost pricing as developed so ably by closet Georgist economists like Harold Hotelling and William Vickrey.
- ↑ Vickrey, William. "The Corporate Income Tax in the U.S. Tax System, 73 TAX NOTES 597, 603 (1996). Quote: "Removing almost all business taxes, including property taxes on improvements, excepting only taxes reflecting the marginal social cost of public services rendered to specific activities, and replacing them with taxes on site values, would substantially improve the economic efficiency of the jurisdiction."
- ↑ Vickrey, William (1993). "Remarks at The Henry George School of New York".
- ↑ Turgeon, Lynn. Bastard Keynesianism : the evolution of economic thinking and policymaking since World War II. Westport, Conn: Praeger, 1997
- ↑ Gaffney, Mason. The corruption of economics. London: Shepheard-Walwyn in association with Centre for Incentive Taxation, 2006 http://masongaffney.org/publications/K1Neo-classical_Stratagem.CV.pdf
- ↑ Harvey J. Levin
- ↑ Lynn Turgeon
- ↑ William Vickrey - Biographical
Véxase tamén
editarBibliografía
editar- Arnott, Richard (October 1997). "William Vickrey; Contributions to Public Policy" (PDF).
- Arnott, Richard; Atkinson, Anthony B.; Arrow, Kenneth; Drèze, Jacques H., eds. (1994). Public Economics; Selected Papers by William Vickrey. Cambridge University Press.
Ligazóns externas
editar- Nobel Laureate Biography of William VickreyArquivado 02 de decembro de 2001 en Wayback Machine.
- IDEAS/RePEc
- William S. Vickrey (1914–1996). The Concise Encyclopedia of Economics. Library of Economics and Liberty (2.º ed.) (Liberty Fund). 2008.
- "William Vickrey". JSTOR.