William Robert Ogilvie-Grant
William Robert Ogilvie-Grant, nado o 25 de marzo de 1863 en Easter Elchies, Moray, Escocia, e finado o 26 de xullo de 1924 en Farley Cottage, Reading, Inglaterra, foi un ornitólogo escocés.
| Biografía | |
|---|---|
| Nacemento | 25 de marzo de 1863 Easter Elchies, Moray, Escocia |
| Morte | 26 de xullo de 1924 Farley Cottage, Reading, Inglaterra |
| Datos persoais | |
| Residencia | Londres  |
| País de nacionalidade | británica |
| Formación profesional | Anatomía, Zooloxía |
| Educación | Fettes College, Edimburgo |
| Actividade | |
| Ocupación | ornitólogo |
| Empregador | Museo de Historia Natural de Londres, assistant curator (en)  (1913–1916) Museo de Historia Natural de Londres, axudante (1882–1913) |
| Lingua | Lingua inglesa |
| Participou en | |
| 1895 | Salvage Islands Expedition 1895 (en) |
| Obra | |
| Abreviatura do autor en zooloxía | Ogilvie-Grant |
| Familia | |
| Cónxuxe | Maud Louisa Pechell (en) (1890–) |
| Fillos | Eleanora Ogilvy-Grant (en) , Alison Jean Ogilvy-Grant (en) , Marjorie Elspeth Ogilvy-Grant (en) , Mark Ogilvie-Grant (en) |
| Pais | George Ogilvy-Grant (en) e Eleanora Gordon-Cumming (en) |
| Páxina web | britishbirds.co.uk… |
Traxectoria editar
Primeiros anos editar
William Robert Ogilvie-Grant foi o segundo fillo do capitán dos 42 Highlanders George Henry Essex Ogilvie-Grant, de Easter Elchies, Craigellachie, Escocia, que, á súa vez, fora o sexto fillo de Francis Ogilvy-Grant, sexto conde de Seafield.[1]
Fixo os seus primeiros estudos na Escola Preparatoria Cargilfield, e despois pasou ao Fettes College, en Edimburgo, onde estudou Zooloxía e Anatomía.
Labor científica editar
En 1882 foi asistente do Museo de Historia Natural de Londres. Alí estudou ictioloxía baixo a supervisión de Albert Günther.
En 1885 foi nomeado temporalmente xefe da sección ornitolóxica durante a viaxe de Richard Bowdler Sharpe á India. Despois permaneceu nese departamento, no que chegou a ser conservador de aves entre 1909 e 1918.
Ogilvie-Grant sucedeu a Bowdler Sharpe como editor do Bulletin of the British Ornithologists' Club, posto que ocupou desde 1904 até 1914.
Ogilvie-Grant realizou moitas viaxes para recolectar espécimes, especialmente a Socotra, Madeira e Canarias.
Vida persoal editar
Ogilvie-Grant casou con Maud Louisa Pechell, filla do almirante Mark Robert Pechell. A parella tivo un fillo e tres fillas. O seu fillo, Mark Ogilvie-Grant, foi diplomático e botánico. A súa filla máis vella, Eleanora (1892-1956), foi a avoa materna de Jane Beuttler, esposa do político Alan Clark.[1][2]
Obras editar
- The Expedition to Sokotra. IV Descriptions of three new species of butterflies – Liverpool: Bulletin of the Liverpool Museums, 1899.
- Arthropoda. Insecta: Lepidoptera - I. Rhopalocera. In: HO Forbes: Natural history of Sokotra and Abd-el-Kuri: Being the report upon the results of the conjoint expedition to these islands in 1898-9, by Mr. W.R. Ogilvie-Grant, of the British Museum, and Dr. H.O. Forbes, of the Liverpool Museums, together with information from other available sources. Forming a monogragh of the islands – Liverpool: Bulletin of the Liverpool Museums, 1903.
- Exhibition and description of a new subspecies of Grosbeak, Rhynchostruthus percivali yemenensis, from the mountains of S. Yemen – Bulletin of the British Ornithologists' Club, 1913.
- Report of a new race of Palm Dove – Bulletin of the British Ornithologists' Club, 1914.
Epónimos editar
Na honra de Ogilvie-Grant déuselle o nome científico Hemidactylus granti a unha especie de xecónido endémica de Socotra.[3]
Abreviatura editar
A abreviatura Ogilvie-Grant emprégase para recoñecer a William Robert Ogilvie-Grant como autoridade na descrición e taxonomía en zooloxía.
Notas editar
- ↑ 1,0 1,1 Debrett's Peerage and Baronetage, 146th edition, ed. Charles Kidd, David Williamson, Debrett's Peerage Ltd, 2000, p. 1494.
- ↑ Burke's Peerage, Baronetage and Knightage, 107th edition, 2003, vol. 3, p. 3551
- ↑ Beolens, Bo; Watkins, Michael & Grayson, Michael (2011): The Eponym Dictionary of Reptiles. Baltimore, Maryland, USA: Johns Hopkins University Press. ISBN 978-1-4214-0135-5. ("Grant, W. R. O.", p. 106).
Véxase tamén editar
| Wikispecies posúe unha páxina sobre: William Robert Ogilvie-Grant |
Bibliografía editar
- Mullens, William Herbert & Harry K. Swann (1923): A Bibliography of British Ornithology. Cornell University. Wheldon & Wesley.