Wilhelm Dörpfeld
Wilhelm Dörpfeld, nado o 26 de decembro de 1853 e finado o 25 de abril de 1940, foi un arquitecto e arqueólogo alemán que participou nas escavacións levadas a cabo entre 1877 e 1881 en Olimpia, e posteriormente, xunto a Heinrich Schliemann, en Orcómeno e en Troia.
| Wilhelm Dörpfeld | |
|---|---|
 | |
| Nacemento | 26 de decembro de 1853 |
| Barmen | |
| Falecemento | 25 de abril de 1940 |
| Lefkada | |
| Soterrado | Nydri |
| Nacionalidade | Imperio Alemán e Reich Alemão |
| Etnia | Pobo alemán |
| Alma máter | Bauakademie |
| Ocupación | antropólogo, arquitecto, historiador da arte, arqueólogo, architectural historian e profesor universitario |
| Pai | Friedrich Wilhelm Dörpfeld |
| Premios | Royal Gold Medal, Honorary doctor of the Technical University of Berlin, doutor honoris causa da Universidade de Princeton, Honorary doctor of the Katholieke Universiteit Leuven, Honorary doctorate from the Julius Maximilians University of Würzburg e Adlerschild des Deutschen Reiches |
| [ editar datos en Wikidata ] | |
TraxectoriaEditar
En Troia participou nas escavacións desde 1882 e desenvolveu plenamente a técnica da estratigrafía. No curso da escavación de 1890 atopou restos dun edificio que contiñan cerámicas similares a outros fragmentos achados en Orcómenos, Micenas e Tirinto, polo que deduciu que o estrato que contiña os restos, chamado Troia VI, era o contemporáneo co maior auxe da civilización micénica, e por tanto se podería identificar coa cidade cantada por Homero na Ilíada, refutando así a opinión de Schliemann de que Troia II era a Troia homérica.
Trala morte de Schliemann, Dörpfeld proseguiu os escavacións en Troia en 1893 e 1894, desenterrando gran parte do estrato correspondente á cidadela de Troia VI, e observando que a cidade sucumbira violentamente tras un gran incendio. Non chegou a achar a cidade inferior que foi descuberta por Manfred Korfmann a partir de 1988, pero xa supuxera que esta cidade inferior se chegaría a descubrir, posto que algunhas sondaxes que encargou a varios especialistas acharan indicios diso.
En 1902 publicou Troia und Ilion. Ergebnisse der Ausgrabungen in den vorhistorischen und historischen Schichten von Ilion 1870-1894, que contén as súas conclusións acerca das escavacións de Troia.
Véxase taménEditar
Wikimedia Commons ten máis contidos multimedia na categoría: Wilhelm Dörpfeld  |
BibliografíaEditar
- Dieter Hertel. Troya, páxinas 31-33. Madrid, Acento, 2003. ISBN 84-483-0737-2
- Carlos Moreu. La guerra de Troya, páxinas 60-63. Madrid, Oberon, 2005. ISBN 84-96052-91-5