Voto, Cantabria

Voto é un concello da comunidade autónoma de Cantabria (España). Limita polo norte cos concellos de Bárcena de Cicero e Colindres, polo oeste con Solórzano, polo sur con Ruesga e Ramales de la Victoria e polo leste con Limpias e Ampuero.

Voto, Cantabria
Localización
País	España
Comunidade Autónoma	Cantabria
Comarca	Trasmiera
Xeografía
Altitude	28 msnm
Superficie	77,71 km²
Demografía
Poboación	2.664 hab. (2009)
Densidade	34,28 hab./km²
Outros datos
Código postal	39738
Alcalde	José Luis Trueba de la Vega (PRC) (2007)

Forma parte da comarca de Trasmiera e por Voto transcorren as rías de Limpias e Rada, incluídas dentro do Parque natural das Marismas de Santoña, Victoria e Joyel. Polo leste atópanse as serras de Breñas, Sel e Mullir, que o separan do val do Asón.

Localidades

• Bádames (Capital)
• Bueras
• Carasa
• Llánez
• Nates
• Padiérniga.
• Rada
• San Bartolomé de los Montes
• San Mamés de Aras
• San Miguel de Aras
• San Pantaleón de Aras
• Secadura

Patrimonio

• Cova de “Cobrantes” en San Miguel de Aras, con categoría de Ben de interese cultural.
• Cova de “El Otero” en Secadura, tamén con categoría de Ben de interese cultural.
• Palacio do Conde de San Carlos en Valdelastras (Secadura), con categoría de Ben inmoble de interese local.
• Casa de Velasco, exemplo de arquitectura civil do século XVII, situado no barrio de Angustina de Carasa. O mal estado de conservación do mesmo motivou a inclusión deste monumento na lista de patrimonio en perigo da asociación para a defensa do patrimonio Hispania Nostra.

Economía

Un 28,2 % da poboación do municipio emprégase no sector primario, un 12,8 % na construción, un 29,6 % na industria e un 29,4 % no sector terciario.

Demografía

Evolución demográfica

1900	1910	1920	1930	1940	1950	1960	1970	1980	1990	2000	2007
3.151	3.370	3.483	3.598	3.870	4.079	3.698	3.292	2.816	2.661	2.227	2.386

Fonte: INE

Administración

As seguintes táboas expoñen os resultados das eleccións municipais celebradas no 2003 e no 2007.

Eleccións municipais, 25 de maio de 2003 Partido Votos % Concelleiros PP 665 38,48 % 5 PRC 606 35,07 % 4 PSOE 372 21,53 % 2 Alcalde electo: Felipe Alberdi Rodríguez (PSC-PSOE).

Eleccións municipais, 27 de maio de 2007 Partido Votos % Concelleiros PSOE 589 33,87 % 4 PRC 531 30,53 % 3 PP 457 26,28 % 3 Alcalde electo: José Luis Trueba de la Vega (PRC).

Véxase tamén

Ligazóns externas

• Junta de Voto