Vlado Goreski

Vlado Goreski
	;
Nome orixinal	(mk) Владо Ѓорески
Biografía
Nacemento	21 de abril de 1958 (66 anos); Bitola (pt)
Datos persoais
País de nacionalidade	Macedonia do Norte
Educación	Universidade Santos Cirilo e Metodio de Skopje
Actividade
Ocupación	pintor

Vlado Goreski Rafik (en macedonio, Владо Ѓорески - Рафик) nado en Bitola (Macedonia do Norte) o 21 de abril de 1958^[1]^[2] é un pintor,escenógrafo, artista gráfico e deseñador de carteis teatrais macedonio.

Traxectoria editar

Naceu en 1958 en Bitola, daquela Iugoslavia e hoxe Macedonia do Norte. Estudou na Facultade de Filosofía e Historia da Arte en Skopje, capital da Macedonia do Norte entre 1977e 1981; e despois, entre 1982 e 1987, na Academia de Belas Artes e Deseño en Liubliana, Eslovenia.^[3]^[4]

En 1980, comezou coma voluntario e en 1981 xa traballaba como pintor-artista no Teatro Nacional de Bitola. En 1982, traballou como curador de arte contemporánea no Instituto, Museo e Galería de Bitola.

A súa primeira exposición individual foi en 1981 e, dende entón, participou en diversas exposicións individuais e colectiva no seu país e en centros mundiais de arte.

Tamén está presente nos eidos da crítica de arte, fundamentalemente da arte gráfica, sen descoidar outros aspectos artísticos. Tamén adoita participar como membro de xurados ou consultor experto.^[5]

Ten recibidos numerosos premios internacionais de arte como na Exposición Bienal de Iași (Romanía) en 2017.^[6]

Traballo editar

Dende 1994, Goreski é o director da Trienal Internacional de Arte Gráficas de Bitola, que é o evento artístico máis significativo dos Balcáns occidentais.^[7]

Exposicións internacionais editar

Entre 2015 e 2020, ten participado en máis de cen exposicións de arte en moitos países do mundo, como por exemplo:

2019, Avanti grafika! drugič / Avanti Graphic! #2, Liubliana.^[8]
2018-2019, Valvasorjevi mednarodni grafični dnevi, Eslovenia.^[9]
2018, 9ª edición, Prints for Peace-Grabados por la Paz, México.^[10]
2017, Splitgraphic, Croacia^[11]

2016, Mirror. Face to face; exposición de artistas italianos e macedonios, Bitola (Macedonia do Norte)-Vicenza (Italia)^[12]
2015, Slovenija Open to Art – Slovenija odprta za umetnost^[13]