Vic

Vic
	Praza Maior, en Vic.
Localización
	; Vic ; Vic
País	España
Comunidade autónoma	Cataluña
Provincia	Barcelona
Comarca	Osona
Xeografía
Altitude	498 msnm
Superficie	30,92 km²
Demografía
Poboación	41.191 hab. (2012)
Densidade	1.307,31 hab/km²
Xentilicio	Vigatano, vigatana; Vigatà, vigatana (en catalán)
Outros datos
Código postal	08500
Alcalde	Josep Maria Vila d'Abadal i Serra (CiU)
	www.vic.cat

Coordenadas: 41°55′49″N 02°15′17″L / 41.93028, -2.25472

Vic é un municipio e cidade da provincia de Barcelona, capital da comarca de Osona. En 2012 tiña 41.191 habitantes.

XeografíaEditar

Atópase no medio dunha planicie que leva a seu mesmo nome Plana de Vic, equidistante de Barcelona e Francia.

É famosa pola súa persistente néboa no inverno provocada por un notable fenómeno de inversión térmica capaz de favorecer mínimas de até -10 °C e máximas próximas aos 0 °C nos episodios máis notables. No verán as tormentas son moi habituais até o punto de inverter o mínimo de precipitacións propio dos climas mediterráneos e favorecer a presenza de especies vexetais coma o carballo pubescente propias dos climas submediterráneos.

HistoriaEditar

Durante os séculos VIII e IX, Vic estivo nas marcas que dividían as forzas francas das islámicas. No ano 1027, o bispo de Vic estableceu a "Paz e Tregua de Deus" que axudou a diminuír as guerras privadas. Durante o século XVII, a cidade foi un dos primeiros focos de rebelión contra a política centralista do rei Filipe V, conflito que terminou converténdose na Guerra de Sucesión.

Na década de 1940 o municipio absorbeu a poboación de Sentfores ou La Guixa.

DemografíaEditar

Evolución demográfica
1900	1930	1950	1970	1981	2000	2008
12.105	15.005	16.975	25.906	30.057	31.533	38.964

EconomíaEditar

As explotacións gandeiras e as industrias transformadoras do sector primario conviven cun tecido industrial moi diversificado, e cun sector comercial e de servizos en crecemento. É así mesmo cidade universitaria, o que a converte nun núcleo estudantil moi activo que recibe estudantes de toda a comarca de Osona e doutras do interior de Cataluña, sen esquecer un bo número de habitantes da área de Barcelona que acoden á cidade en tren. O seu armazón peonil de rúas no centro histórico está poboado de bares, restaurantes, asociacións, talleres e oficinas que demostran a súa vitalidade económica.

Desde 1989 organiza anualmente o "Mercat de Música Viva de Vic", unha das feiras musicais máis importantes. É unha cidade de Feiras e Mercados, o máis tradicional dos cales é o Mercat do Ram.

Na cidade ten a súa sede a Universidade de Vic.