Valentina Martínez Ferro
María Valentina Martínez Ferro, nada en Santiago de Compostela o 21 de xuño de 1976, é unha política galega do Partido Popular, deputada no Congreso dos Deputados.
_(cropped).jpg)
.svg){kind=small}
Traxectoria
editarLicenciouse en ciencias políticas e da administración na Universidade de Santiago de Compostela e realizou un mestrado en estudos europeos na Universidade Católica de Lovaina[1]. Especializada en relacións internacionais, formou parte da Secretaría de Relacións Internacionais do Partido Popular de 2002 a 2012[2][3].
Foi de número 28 da lista do PP para as eleccións ao Congreso dos Deputados de 2011 pola circunscrición de Madrid[4] sen saír elixida, e no ano seguinte asumiu o posto de directora de gabinete de Jorge Moragas, director pola súa banda do gabinete do presidente do Goberno, Mariano Rajoy[5]. Tras a renuncia de Alberto Ruiz-Gallardón en 2014, tomou posesión como deputada e nesa lexislatura exerceu de voceira adxunta na Comisión de Cooperación Internacional para o Desenvolvemento e como vogal na Comisión de Asuntos Exteriores e mais na de Orzamentos[6][7].
Nas eleccións ao Congreso de 2016 foi de número 17 por Madrid sen entrar na cámara nun primeiro momento. Secasí, tomou posesión como deputada da XII lexislatura o 19 de xuño de 2018 ao substituír a Mariano Rajoy despois da súa renuncia[6].
Nas eleccións xerais de abril de 2019 ocupou o terceiro posto na lista do PP pola provincia da Coruña, e logrou entrar na cámara baixa[8]. En xullo de 2019 integrouse como vogal nas comisións de Asuntos Exteriores, Transición Ecolóxica, Cooperación Internacional para o Desenvolvemento e na Comisión Mixta Congreso-Senado para a Unión Europea.[9]. Dende 2019 é secretaria de relacións internacionais do PP[10]. Nas eleccións xerais de novembro recuncou na lista do partido pola Coruña e mantivo o seu escano.
Notas
editar- ↑ "Valentina martínez vuelve al congreso tras la renunciar rajoy al escaño". 15 de xuño de 2019. Arquivado dende o orixinal o 02 de agosto de 2019. Consultado o 04 de setembro de 2019.
- ↑ "Las mujeres del PP marcan tendencia".
- ↑ "El Gobierno cuenta con una directora de Gabinete del director de Gabinete". El Plural.
- ↑ "Candidaturas proclamadas para las elecciones al Congreso de los Diputados y al Senado, convocadas por Real Decreto 1329/2011, de 26 de septiembre" (PDF). ISSN 0212-033X.
- ↑ "El Gobierno nombra una directora de Gabinete del director de Gabinete".
- ↑ 6,0 6,1 "Valentina Martínez Ferro, la verdadera sustituta de Mariano Rajoy".
- ↑ "X Legislatura (2011-2016) Martínez Ferro, María Valentina". Congreso dos Diputados. Arquivado dende o orixinal o 19 de setembro de 2019. Consultado o 19 de setembro de 2020.
- ↑ "Candidaturas proclamadas para las elecciones al Congreso de los Diputados y al Senado, convocadas por Real Decreto 129/2019, de 4 de marzo." (PDF). ISSN 0212-033X.
- ↑ "XIII Legislatura (2019-Actualidad) Martínez Ferro, María Valentina". Congreso dos Diputados. Arquivado dende o orixinal o 19 de setembro de 2019. Consultado o 19 de setembro de 2020.
- ↑ "Valentina Martínez, secretaria de RRII do PP: "Deberiamos chegar a acordos e non someter outra vez a un estrés electoral". CRTVG, 5 de agosto de 2019
Véxase tamén
editarWikimedia Commons ten máis contidos multimedia na categoría: Valentina Martínez Ferro  |
Outros artigos
editarLigazóns externas
editar- Ficha na páxina web do Congreso dos DeputadosArquivado 05 de xuño de 2020 en Wayback Machine.