Unha breve historia do tempo

libro de Stephen Hawking

Unha breve historia do tempo[1] é un libro de divulgación científica escrito por Stephen Hawking en Lingua inglesa co título orixinal de A Brief History of Time: From the Big Bang to Black Holes, e publicado en 1988.

Unha breve historia do tempo
Stephen Hawking NASA 50th 200804210001HQ.jpg
Título orixinalA Brief History of Time
Autor/aStephen Hawking
OrixeReino Unido Reino Unido
Lingua(en inglés)
Tema(s)Cosmoloxía
EditorialFlag of the United Kingdom.svg Bantam Books
GaliciaUniversidade de Santiago de Compostela
Data de pub.Flag of the United Kingdom.svg 1988
Galicia 2018
ISBNGalicia ISBN 978-84-16954-92-6
TraduciónJorge Mira

Stephen Hawking, autor de A Brief History of Time, experimentando a ausencia de gravidade nun módulo da NASA.

ArgumentoEditar

O tema principal do que fala este libro é a natureza do Universo e a importancia do tempo. Fala sobre o tempo, onde se encontran os buratos negros, o principio de incerteza, o espazo e o tempo (Teoría da relatividade) e a unificación da física. Trata sobre a evolución que sufriu o noso Universo; o seu pasado, presente e futuro.

Resumo por capítulosEditar

Capítulo 1Editar

Fai un resumo dos diferentes modelos do universo a través do tempo pasando pola imaxe antiga de que a Terra era plana ata a descrición que fan os científicos actuais do universo mediante dúas teorías fundamentais: a teoría da relatividade xeral e a mecánica cuántica, e os esforzos da física actual pola busca dunha teoría que incorpore as dúas anteriores: unha teoría cuántica da gravidade.

Capítulo 2Editar

Trata das teorías do movemento de Newton, do espazo absoluto, do tempo absoluto, de como a teoría da relatividade rematou co concepto do tempo absoluto, da teoría da relatividade especial e como resulta inconsistente coa teoría da gravitación de Newton e da teoría da relatividade xeral de Einstein.

Capítulo 3Editar

Describe a evolución das teorías da expansión constante do universo.

Capítulo 4Editar

Presenta a doutrina do determinismo en contraposición co principio de incerteza, de onde xorde a mecánica cuántica, que, de acordo a Hawking, podería unificarse coa relatividade xeral por medio dunha teoría completa. Aínda cando a dita teoría aínda non existe, si se coñecen algunhas das características que debe posuír.

Capítulo 5Editar

Explica dende a crenza de Aristóteles de que a materia era infinitamente divisible, pasando polo átomo e máis recentemente o descubrimento de partículas cada vez máis pequenas chegando ao quark e explica as teorías das partículas portadoras de forza, nas súas catro categorías e o que estas implican na comprensión do universo.

Capítulo 6Editar

Detalla o xeito de como se forman os buratos negros e como se podería pensar en que estes poderían considerarse o fin do tempo.

Capítulo 7Editar

Formula o comportamento da luz con respecto á fronteira do burato negro. Menciona a segunda lei da termodinámica, e relata como paulatinamente foi chegando a cálculos matemáticos para explicar que os buratos negros emiten partículas e radiacións coma se fosen un corpo quente e polo tanto emiten algo de luz.

Capítulo 8Editar

Cuestiónase acerca da orixe e o destino do universo, facendo alusión a crenzas teolóxicas e a dificultade de conciliar estas cos descubrimentos e teorías científicas máis recentes.

Capítulo 9Editar

Analiza a evolución do concepto de "tempo", dende o tradicional pasando polo tempo "imaxinario" e as chamadas frechas do tempo que distinguen entre o pasado e o futuro.

Capítulo 10Editar

Formúlase a conveniencia de integrar a unificación da física, mediante unha teoría consistente e completa que integre as diferentes ramas do coñecemento humano.

Capítulo 11Editar

Presenta as conclusións do autor e a súa inquietude de integrar o pensamento filosófico co científico ata chegar a unha teoría completa comprensible para calquera ser humano.

EdiciónsEditar

O libro foi traducido ao galego polo físico Jorge Mira, e publicado pola Universidade de Santiago de Compostela en 2018.

NotasEditar

  1. "Unha breve historia do tempo". 17-9 2018. Consultado o 17 Setembro 2018.