Tyler Rake 2
Tyler Rake 2[2] (en inglés: Extraction 2) é un filme estadounidense de 2023 dirixido por Sam Hargrave e escrito por Joe Russo. Baséase na novela gráfica Ciudad de Ande Parks, Joe Russo, Anthony Russo, Fernando León González e Eric Skillman. É unha secuela do filme de 2020 Extraction, e está protagonizado por Chris Hemsworth, Golshifteh Farahani e Adam Bessa, que retoman os papeis do primeiro filme, xunto con Tornike Gogrichiani, Tinatin Dalakishvili, Daniel Bernhardt, Olga Kurylenko e Idris Elba. No filme, Tyler Rake (Hemsworth) é contratado para rescatar unha familia dunha prisión xeorxiana.
Tyler Rake 2 | |
---|---|
Ficha técnica | |
Título orixinal | Extraction 2 |
Director | Sam Hargrave |
Produtor |
|
Guión | Joe Russo |
Baseado en | Ciudad de Ande Parks e Joe Russo, Anthony Russo e Fernando León González (ilustracións) |
Intérpretes |
|
Música |
|
Fotografía | Greg Baldi |
Montaxe |
|
Estudio |
|
Distribuidora | Netflix |
Estrea | 16 de xuño de 2023 |
Duración | 122 minutos |
Orixe | Estados Unidos |
Xénero | Acción e suspense |
Na rede | |
https://www.netflix.com/title/81098494 | |
Logo do éxito do primeiro filme, Netflix anunciou unha secuela en maio de 2020 con Joe Russo de novo como guionista, Hargrave como director e Hemsworth como protagonista. En decembro, Joe e o seu irmán irmán Anthony esperaban que a secuela desenvolvese os personaxes abondo para comezar un universo cinematográfico. A rodaxe estaba programada para comezar en Sydney en setembro de 2021, mais foi atrasada pola pandemia de COVID-19 e finalmente comezou en Praga en novembro, antes de concluír en Viena en abril de 2022. Ademais do regreso de Russo, Hargrave e Hemsworth, Henry Jackman e Alex Belcher volveron para compoñer a partitura.
Tyler Rake 2 estreouse o 16 de xuño de 2023 a través de Netflix, onde conta con versión subtitulada en galego.
Personaxes
editar- Chris Hemsworth como Tyler Rake
- Golshifteh Farahani como Nik Khan
- Adam Bessa como Yaz Khan[3]
- Tornike Gogrichiani como Zurab Radiani
- Tornike Bziava como Davit Radiani
- Tinatin Dalakishvili como Ketevan Radiani
- Andro Japaridze como Sandro Radiani
- Miriam and Marta Kovziashvili como Nina Radiani
- Dato Bakhtadze como Avtandil
- Daniel Bernhardt como Konstantine[4]
- Irakli Kvirikadze como Ivayne
- Levan Saginashvili como Vakhtang
- George Lasha como Sergo
- Olga Kurylenko como Mia
- Idris Elba como estraño sen nome
Notas
editar- ↑ "Henry Jackman & Alex Belcher Scoring Sam Hargrave's 'Extraction 2'". Film Music Reporter. 30 de maio de 2023.
- ↑ pipocas.amesa.gal (ed.). "Tyler Rake 2". Consultado o 15 de setembro de 2023.[Ligazón morta]
- ↑ Aftab, Kaleem (5 de decembro de 2022). "Arab Stars of Tomorrow 2022: Adam Bessa, actor (Tunisia)". Screen Daily. Arquivado dende o orixinal o 5 de decembro de 2022.
- ↑ Cohen, Anne (18 de xaneiro de 2023). "New Movies Coming to Netflix in 2023". Netflix. Arquivado dende o orixinal o 24 de maio de 2022. Consultado o 20 de xaneiro de 2023.