Abrir o menú principal

Thomas Ridley Sharpe, nado en Londres o 30 de marzo de 1928 e finado en Llafranc (provincia de Girona) o 6 de xuño de 2013, foi un escritor inglés, máis coñecido como Tom Sharpe.

Tom Sharpe
AlcumeTom Sharpe
Nacemento30 de marzo de 1928
 Holloway
Falecemento6 de xuño de 2013
 Llafranc
NacionalidadeReino Unido
Alma máterLancing College e Pembroke College (Cambridge)
Ocupaciónescritor, guionista, novelista, mestre e fotógrafo
Coñecido/a porWilt, Porterhouse Blue e Blott on the Landscape
PremiosPeix Fregit Award
editar datos en Wikidata ]

Índice

TraxectoriaEditar

A súa infancia e mocidade estiveron marcadas por unha rabia crónica. A súa nai, enferma, non se podía ocupar del. O seu pai, párroco británico, pasou do socialismo ó nacionalsocialismo. Estudou na Universidade de Cambridge.

Logo de realizar o servizo militar trasladouse a Suráfrica en 1951, dedicándose a realizar traballos sociais e ó ensino en KwaZulu-Natal. En 1961 escribiu e representou unha obra en contra do réxime do apartheid. Debido a isto foi encarcerado na prisión de Pietermaritzburg acusado de "político subversivo" e "comunista perigoso", e máis tarde foi deportado por actividades "antigubernamentais". Da súa experiencia en África obtivo a inspiración para escribir Riotous Assembly e Indecent Exposure. Entre 1963 e 1972 traballou como profesor de historia no Colexio de Cambridge das Artes e a Tecnoloxía. Recibiu o Gran Premio do Humor Negro en 1986.

LiteraturaEditar

Nas súas novelas encóntrase un humor corrosivo, mesmo ás veces cruel, que divide ós seus lectores entre os que o consideran moi ofensivo e os que pensan que é un mestre do humor. A súa temática é variada, desde os xa mencionados libros inspirados no apartheid, ata os que critican o sistema educativo (Wilt e secuelas), o snobbismo da clase inglesa (Ancestral Vices e Porterhouse Blue), o mundiño literario (The Great Pursuit), extremismos políticos de todo tipo, a burocracia e a estupidez en xeral. Os seus personaxes usan moitas veces unha linguaxe vulgar e explícita e practican toda clase de actos sexuais. Outras veces ridiculiza a forma de falar ou de comportarse de determinados grupos sociais.

ÉxitoEditar

As súas obras foron traducidas a 22 idiomas, vendendo máis de 10 millóns de exemplares. Mesmo algunha delas (Porterhouse Blue e Blott on the Landscape) foron adaptadas como series de televisión. Wilt foi levada ó cine en 1989 por Michael Tuchner.

ObrasEditar