Toconao, Chile

Para outras páxinas con títulos homónimos véxase: Toconao.

A vila de Toconao está situada na rexión de Antofagasta, no norte de Chile. Forma parte da aldea de San Pedro de Atacama, na alta meseta da Puna de Atacama, a uns 250 km de Antofagasta, no medio do deserto de Atacama, no norte de Chile.

Toconao, Chile

Localización
23°11′26″S 68°00′26″O
Estado	Chile
Rexión	Rexión de Antofagasta
Provincia	Provincia de El Loa
Comuna	San Pedro de Atacama (en)
Xeografía
Altitude	2.485 m

Toponimia

O nome Toconao tradúcese como lugar das pedras e provén das palabras en lingua kunza 'tocknar ' (pedra) e ao (lugar).

Xeografía

Toconao, é un oasis, que grazas á pureza da auga, permite o cultivo de diversos tipos de froitos, moitos autóctonos da rexión e outros traídos pola conquista castelá/española, con alto contido en ácido ascórbico.

Atópase no bordo nordeste do Salar de Atacama, nun pequeno val da serra de Puntas Negras, rama occidental da serra de Domeyko, a 2.475 m sobre o nivel do mar, na estrada 23-CH, que atravesa o Paso de Sico para establecer a conexión coa aldea de San Antonio de los Cobres (5.916 m de altitude), provincia de Salta na Arxentina, e os volcáns Sairecabur (5.978 m sobre o nivel do mar) e Licancabur (5.920m sobre o mar). Estes dous volcáns están situados a uns 30km ao leste da vila.

Hidrografía

O Trópico de Capricornio pasa a unhas ducias de quilómetros ao sur da vila. Dada a pouca precipitación, a vila non existiría se non fose alimentada por dous regatos (Purifama e Purificada).

Poboación

Toconao ten aproximadamente 786 habitantes. O xentilicio é toconares. A partir de 2006 é unha comunidade indíxena atacameña autodenominada Comunidad Ancestral de Toconao, protexida pola lei indíxena chilena n 19.253 e as leis internacionais relativas aos pobos ancestrais e indíxenas das Nacións Unidas, relacionadas cos dereitos humanos.

Historia

Prehistoria

De acordo coas hipóteses científicas, os primeiros vestixios de vida humana no territorio remóntanse até 12.000 anos.

Puntos de referencia

Fronte á praza maior, érguese a igrexa e o campanario de San Lucas, datados no s. XVIII. Aínda que foron reconstruídos despois de varios terremotos e incendios, conservan o seu encanto e ambos están clasificados como Monumentos Nacionais de Chile .

• 
  Igrexa de San Lucas de Toconao.
• 
  Campanario, de 1750.

Turismo

Na actualidade, a comunidade xestiona actividades turísticas nas zonas de Jere, Chaxas e Puxza. Pola cidade pasan moitos circuítos turísticos, en particular no Salar de Atacama e as lagoas do altiplano. Os axentes adscritos á comunidade están formados nas ciencias do agroturismo, etnoturismo e ecoturismo.

Galería

• 
  Tenda fronte á igrexa de San Lucas.
• 
  Regato e ponte.
• 
  Entrada á Vila.
• 
  Regato en Toconao.