Tito Livio

Tito Livio (en latín Titus Livius), nado en Padua no 64 ou 59 a. C. e finado no 17 d. C., foi un historiador romano, autor de Ab urbe condita libri (Desde a fundación da Cidade), que relata a historia de Roma desde a fundación tradicional no ano 753 a.C. até a morte de Druso no 9 a.C.. En total componse de 142 libros, dos que só se conservan 35.

Tito Livio

Nome orixinal	(la) Titus Livius
Biografía
Nacemento	59 a. C. Padua
Morte	17 (74/75 anos) Padua
Datos persoais
País de nacionalidade	Roma Antiga
Actividade
Ocupación	historiador , escritor , poeta
Período de tempo	Alto Imperio Romano
Xénero artístico	Historiografía
Lingua	Lingua latina
Obra
Obras destacables (década de 10) Ab urbe condita libri

Traxectoria

Livio naceu nunha familia rica de provincias e trasladouse de mozo a Roma, estudando nela retórica e filosofía. Tiña ideas conservadoras e republicanas, mais non entrou nunca en política. Adquiriu fama a partir do 27-25 a.C., cando encetou a preparación de Ab Urbe Condita, obra na que se ocupou até á súa morte.

Augusto, a cuxo círculo pertenceu, confioulle a educación do seu neto adoptivo, o futuro emperador Claudio, a pesar das súas ides republicanas. En troques, Livio aceptara a pax augusta e, aínda que el fose partidario de Pompeio, aprobou a enorme reforma emprendida por Augusto. Tivo dous fillos.