The Incredibles
The Incredibles (en galego, Os Incribles) é o sexto filme de animación de Pixar Animation Studios, gañador na súa categoría dos Premios Oscar, e o primeiro cun elenco enteiramente composto por personaxes humanos, estreado nos Estados Unidos o 5 de novembro de 2004 e en España o 26 de novembro do mesmo ano.
| Os Incribles | |
|---|---|
 Logo do filme | |
| Ficha técnica | |
| Título orixinal | The Incredibles |
| Director | Brad Bird |
| Produtor | John Walker |
| Guión | Brad Bird |
| Intérpretes | Craig T. Nelson Jason Lee Holly Hunter Sarah Vowell Spencer Fox Samuel L. Jackson Elizabeth Peña Brad Bird |
| Música | Michael Giacchino |
| Fotografía | Andrew Jimenez Patrick Lin Janet Lucroy |
| Montaxe | Stephen Schaffer |
| Estudio | Walt Disney Pictures Pixar Animation Studios |
| Distribuidora | Buena Vista Pictures |
| Estrea | 2004 |
| Duración | 115 minutos |
| Orixe |  Estados Unidos |
| Orzamento | $92 millóns |
| Recadación | $631 442 092[1] |
| Filme seguinte | Incredibles 2 |
O filme está escrito e dirixido por Brad Bird, antigo director de capítulos de The Simpsons e máis coñecido por ser responsable da dirección do filme de animación The Iron Giant. Inicialmente foi concibido como un filme de animación convencional para a compañía Warner Bros pero esta clausurou a súa división de animación. Brad Bird foi contratado daquela por Pixar para desenvolver alí o proxecto.
ArgumentoEditar
A historia comeza con tres superheroes, Mr. Incredible (Bob Parr), a superheroína Elastigirl (Helen Parr) e Frozone (Lucius Best) nos seus días de gloria, salvando o mundo ata que Mr. Incredible foi demandado por unha persoa que o salvou. Isto provocou unha vaga de accións legais contra todos os superheroes, que foron mandados a un retiro forzado polos próximos 15 anos.
Bob Parr agora ten un emprego rutineiro e aburrido cun xefe insoportable. Bob traballa para manter a súa encantadora familia, composta pola súa dona Helen (Elastigirl) e os seus tres fillos Jack-Jack, Violet, e Dash.
Furioso co seu traballo e co xefe, golpéao, acción que fai que quede sen emprego. É nese momento cando Bob recibe unha proposta para traballar de superheroe, por parte dunha misteriosa e sedutora muller chamada Mirage. Non dubida en aceptar a súa oferta, pero non imaxina que se trata dunha trampa preparada polo malvado Syndrome (Síndrome), un antigo ex-admirador de Mr. Incredible, que quixo ser o seu axudante, só véndose rexeitado por el, e despois diso, está en busca de vinganza. Por fortuna a súa familia acode na súa axuda e xuntos tratarán de impedir que Syndrome faga realidade o seu malvado plan.
PremiosEditar
The Incredibles gañou os premios Oscar da academia de cine norteamericana ó mellor filme de animación e mellor edición de son do ano 2004.
Ademais, recibiu excelentes críticas e foi galardoada noutros moitos certames recibindo multitude de premios premios e nomeamentos.
NotasEditar
- ↑ "The Incredibles (2004)". Box Office Mojo. Amazon.com. Consultado o 5 de febreiro de 2009.
Véxase taménEditar
Ligazóns externasEditar
- Páxina web oficial (en inglés)
- The Incredibles na IMDb (en inglés).