The Annotated Alice
The Annotated Alice é un libro de 1960 de Martin Gardner que incorpora o texto dos principais contos de Lewis Carroll, As aventuras de Alicia no país das marabillas (1865) e Alicia do outro lado do espello (1871), así como as ilustracións orixinais de John Tenniel. Ten extensas anotacións que explican as referencias contemporáneas (incluíndo os poemas vitorianos que Carroll parodia), os conceptos matemáticos, os xogos de palabras e as tradicións vitorianas (como o xogo social snapdragon) que aparecen nos dous libros.
| The Annotated Alice | |
|---|---|
 Ilustración do libro, por John Tenniel | |
| Título orixinal | The Annotated Alice |
| Autor/a | Martin Gardner |
| Ilustrador/a | John Tenniel |
| Orixe | Estados Unidos |
| Lingua | Inglés |
| Xénero(s) | Edición anotada |
| Editorial | Crown Publishing Group, Clarkson N. Potter |
| Data de pub. | 1960 |
| Formato | Tapa dura |
| [ editar datos en Wikidata ] | |
Historia editar
O libro orixinal publicouse por primeira vez en 1960.[1] Foi reimpreso varias veces e traducido ao francés, italiano, xaponés, portugués, ruso, castelán, alemán e hebreo.
En 1990 publicouse unha secuela, More Annotated Alice. Esta secuela non contén as notas laterais orixinais, e as ilustracións de Tenniel son substituídas polas de Peter Newell. Tamén contén o capítulo "suprimido" titulado "The Wasp in a Wig" (A avespa nunha perruca), que Carroll omitiu do texto de Through the Looking-Glass por recomendación de Tenniel.
En 1999 publicouse The Definitive Edition. Combina as notas de ambas obras e presenta as ilustracións de Tenniel en calidade mellorada.
Gardner tamén compilou un volume complementario, The Annotated Snark, dedicado ao clásico poema de Carroll, The Hunting of the Snark.
En 2015 publicouse The Annotated Alice: 150th Anniversary Deluxe Edition, combinando os traballos anteriores de Gardner e ampliado por Mark Burstein, presidente emérito da Lewis Carroll Society of North America. Inclúe máis de 100 anotacións novas ou actualizadas, máis de 100 ilustracións de Salvador Dalí, Beatrix Potter, Ralph Steadman e outros 42 artistas e ilustradores (ademais da arte orixinal de Sir John Tenniel) e unha filmografía de todas as películas relacionadas con Alicia do estudoso de Carroll David Schaefer.[2]
Edicións en inglés editar
- The Annotated Alice: Alice's Adventures in Wonderland & Through the Looking Glass by Lewis Carroll, Illustrated by John Tenniel por Martin Gardner (1960), Nova York, Bramhall House ISBN 0-517-02962-6
- More Annotated Alice por Martin Gardner (1990) ISBN 0-394-58571-2
- The Annotated Alice: The Definitive Edition por Martin Gardner (1998/1999) ISBN 0-393-04847-0
- The Annotated Alice: 150th Anniversary Deluxe Edition por Martin Gardner e Mark Burstein (2015) ISBN 978-0-393-24543-1
Notas
- ↑ The Annotated Alice: Alice's Adventures in Wonderland & Through the Looking Glass by Lewis Carroll, Illustrated by John Tenniel by Martin Gardner (1960), Nova York, Bramhall House ISBN 0-517-02962-6
- ↑ "The Annotated Alice". wwnorton.com (en inglés). Consultado o 2023-08-11.
Véxase tamén editar
Ligazóns externas editar
- Descrición na páxina web da editorial
- Recensión en The New Statesman, 25 de decembro de 2000, de Will Self