María Teresa Alvajar

María Teresa Alvajar López, nada na Coruña en 1922 e finada en Madrid o 9 de xaneiro de 2016, foi unha política e escritora galega.

María Teresa Alvajar
Nacemento	1922
Lugar de nacemento	A Coruña
Falecemento	9 de xaneiro de 2016
Lugar de falecemento	Madrid
Nacionalidade	España
Ocupación	política e escritora
Pai	César Alvajar
Nai	Amparo López Jean
Irmáns	Amparo Alvajar, Ana María Alvajar L. Jean e Javier Alvajar López
[ editar datos en Wikidata ]

Traxectoria

Filla do político republicano César Alvajar e de Amparo López Jean, era irmá de Ana María Alvajar L. Jean, Amparo Alvajar e Javier Alvajar López. Logo da sublevación do 18 de xullo de 1936 foi encarcerada con 17 anos na prisión da Coruña acusada de dirixir checas e o Servizo de Investigación Militar republicano. No cárcere coincidiu con Esther Casares, filla de Casares Quiroga. Exiliouse en Francia cos seus pais. Deixou testemuño da súa traxedia persoal e familiar no libro Memorias dunha republicana (Laiovento) editado por Aurora Marco.

Homenaxes

En 2008 recibiu o Premio Galiza Mártir e en 2009 foi nomeada Republicana do ano pola Comisión pola Recuperación da Memoria Histórica da Coruña.

Véxase tamén

Bibliografía

• Marco, Aurora (2007). Dicionario de Mulleres Galegas. Edicións A Nosa Terra. p. 354. ISBN 978-84-8341-146-9.