Terence Morrison-Scott
Sir Terence Charles Stuart Morrison-Scott, nado en 1908 e finado en 1991, foi un zoólogo británico. Foi o Director do Museo de Ciencia (Science Museum) e do Museo de Historia Natural (British Museum of Natural History), de Londres, Inglaterra.[1]
| Biografía | |
|---|---|
| Nacemento | 1908  Reino Unido |
| Morte | 1991 (82/83 anos) |
| Datos persoais | |
| País de nacionalidade | Reino Unido Reino Unido de Gran Bretaña e Irlanda |
| Educación | Christ Church College Eton College Imperial College London |
| Actividade | |
| Campo de traballo | Zooloxía |
| Ocupación | zoólogo |
| Lingua | Lingua inglesa |
| Deporte | Remo |
| Obra | |
| Abreviatura do autor en zooloxía | Morrison-Scott |
Premios | |
Traxectoria editar
Terence Morrison-Scott educouse no Eton College, no Christ Church de Oxford e no Royal College of Science (RCS). Remou en Eton e en Oxford, gañando o Silver Sculls (remeiro de prata) en Oxford. Graduouse no RCS en 1935 cun grao de primeira clase, e despois traballou brevemente como profesor asistente en Eton (1935–1936).
Morrison-Scott foi nomeado asistente conservador de 2ª clase no Departamento de Zooloxía do Museo de Historia Natural de Londres o 1 de outubro de 1936.[2]
Durante a segunda guerra nundial foi membro da Royal Naval Volunteer Reserve (Real Reserva Naval de Voluntarios) e mandou unha flotilla de lanchas de desembarco durante o Día D en Normandía, gañando a Cruz de Servizo Distinguido do Reino Unido.[3] Foi promovido a asistente conservador de 1ª clase en 1943. E chegou a ser xefe da Sección de Mamíferos en 1945 e Científico Principal en 1948. De 1956 a 1960 foi o Director do Museo de Ciencias.[4] Máis tarde, desde 1960, foi Director do Museo de Historia Natural de Londres, até a súa xubilación o 30 de novembro de 1968.[2]
Foi tesoureiro honorario da Zoological Society of London (1950–1976).[3] Así mesmo, foi fideicomisario do Imperial War Museum (1956–1960), e gobernador do Imperial College of Science and Technology (1956–1972), sendo elixido Fellow en 1963.[5] Tamén foi membro do Consello do National Trust for Places of Historic Interest (Fondo Nacional para os lugares de Interese Histórico), desde 1968 a 1983, e membro da Comisión Permanente de Museos e Galerías (1973–10876). Foi nomeado cabaleiro polos seus servizos.
Publicacións editar
- Checklist of Palaearctic and Indian mammals 1758 to 1946 / by J.R. Ellerman and T.C.S. Morrison-Scott. Londres: BM (NH), 1951.
- Checklist of Palaearctic and Indian mammals 1758 to 1946 / by J.R. Ellerman and T.C.S. Morrison-Scott. Londres: BM (NH), 1966.
- A list of British mammals [by] T. C. S. Morrison-Scott Published Londres, Printed by order of the trustees of the British Museum, 1952.
- Southern African mammals, 1758–1951: a reclassification, by J. R. Ellerman, T. C. S. Morrison-Scott, and R. W. Hayman, 1909–1973. Publicado en Londres: Printed by order of the trustees of the British Museum, 1953.
Abreviatura editar
A abreviatura Morrison-Scott emprégase para recoñecer a Terence Morrison-Scott como autoridade na descrición e taxonomía en zooloxía.
Notas editar
- ↑ Cranbrook, Scott, Sir Terence Charles Stuart Morrison– (1908–1991), Oxford Dictionary of National Biography. Oxford University Press, September 2004. doi 10.1093/ref:odnb/50708
- ↑ 2,0 2,1 "Scott; Sir; Terence Charles Stuart Morrison (1908-1991); Zoologist; Director of the British Museum (Natural History)". Natural History Museum at South Kensington (en inglés). Arquivado dende o orixinal o 30 de marzo de 2019. Consultado o 30 de marzo de 2019.
- ↑ 3,0 3,1 Zuckerman, Lord (1992-9). "Sir Terence Morrison-Scott DSC, DSc". Journal of Zoology (en inglés) 228 (1): 1–4. doi:10.1111/j.1469-7998.1992.tb04428.x. Arquivado dende o orixinal o 18 de setembro de 2019. Consultado o 30 de marzo de 2019.
- ↑ Directorship of the Science Museum, London: Dr. T. C. S. Morrison-Scott. Nature, Volume 177, pages 1061–1062, 9 June 1956. doi 10.1038/1771061b0
- ↑ Fellows and Honorary Graduates of Imperial College Arquivado 17 de maio de 2011 en Wayback Machine., Imperial College, London, UK.