Telewizja Polska

Telewizja Polska Spółka Akcyjna
Inicio das emisións	1952
País	Polonia
Lingua	polaco
Sede central	Varsovia
Na rede
	http://www.tvp.pl/

Telewizja Polska Spółka Akcyjna (en galego, Televisión Polaca) é a empresa de televisión pública de Polonia. É membro da Unión Europea de Radiodifusión desde 1993.

Historia editar

Sede central de TVP en Varsovia.

TVP1 HD

A orixe da televisión polaca remóntase a 1935, cando o Państwowy Instytut Telekomunikacji (PIT) (Instituto de Telecomunicacións do Estado) comeza a traballar xunto con Polskie Radio no establecemento do servizo de televisión, que comezou a emitir sinais en probas en 1937. Con todo, todo isto viuse paralizado coa Invasión de Polonia en 1939 e a destrución de todo o material por parte da Alemaña Nazi.

En 1947 o PIT reinicia a construción da infraestrutura para o sinal televisivo, e en 1951 vólvense a transmitir sinais de televisión. Telewizja Polska nacería de forma oficial en 1952, co inicio das emisións regulares o 25 de outubro desde Varsovia. Máis tarde xurdirían outras canles de TVP cun carácter rexional, como Telewizja Katowice. O 2 de outubro de 1970 nace a segunda canle da televisión polaca (TVP2) e para 1971 comezan a emitir programación en cor, en tecnoloxía SECAM. Nesta época Telewizja Polska era membro da rede de Intervisión.

Coa chegada da democracia a Polonia prodúcense varios cambios. O máis importante de todos eles é a separación de funcións entre a radio e a televisión, cambiando os seus estatutos e separando os organismos. O 29 de decembro de 1992 constitúese a Telewizja Polska Spółka Akcyjna, pola que TVP pasaba a ser unha sociedade anónima, e 2 días despois (Ano novo de 1993) prodúcese o seu ingreso na UER. Tamén se puxo en marcha unha canle internacional e produciuse o cambio de denominación nas canles rexionais de TVP, que pasaron a ter unha denominación común, TVP3.

Nos últimos anos a oferta de canles de TVP estendeuse, pasando a ter varias canles temáticos dedicados á cultura, deporte e historia. En 6 de outubro de 2007 en 0.13 produciuse un cambio na súa canle rexional TVP3, que pasou a denominarse TVP Info.

Canles editar

Promoción de TVP nas rúas de Varsovia.

TVP1: Primeira canle de televisión de Polonia, e principal canle do seu país. Ten unha oferta de contidos xerais enfocada para toda a familia, emite series, cine, programas infantís e programas de información e servizo.
TVP2: Segunda canle de televisión, que emite unha programación máis cultural e informativa aínda que actualmente se enfoca ao entretenimiento, con concursos e series americanas.
TVP3: Terceira canle, anteriormente coñecido como TVP3, e que aglutina todas as cadeas rexionais de TVP. Ademais funciona como canle de información continua. Está formado polas seguintes emisoras:

Ademais TVP posúe desde 1992 unha canle internacional dedicado á diáspora polaca, chamado TVP Polonia, e outro para o público de Belarús que pode sintonizarse a través de satélite, Belsat TV.

Especializados editar

Ademais de TVP Info, existen as seguintes canles que se ven a través da televisión por cable e o satélite:

TVP ABC: Canle infantil.
TVP Kultura: Canle dedicada á cultura.
TVP Sport: Canle dedicada a deportes (Director: Robert Korzeniowski).
TVP Historia: Canle dedicada a documentales e historia.
TVP Seriale: Especializado en series e produción propia.
TVP Rozrywka: Lanzado en 2013.
TVP HD: Canle en alta definición.
TVP info canle en alta information

Audiencias en 2013^[1] editar

Cadea	% total
TVP1	13.17
TVP2	10.30
TVP Info	2.61
TVP Seriale	1.14
TVP Polonia	0.68
TVP Rozrywka	0.48
TVP Historia	0.45
TVP Kultura	0.41
TVP HD	0.37
TVP Regionalna	0.36
TVP Sport	0.29
Total	30.26

Financiamento editar

TVP nútrese economicamente a través dun imposto fixado polo Goberno de Polonia que cobre aproximadamente un terzo do orzamento. O resto do financiamento prodúcese a través da publicidade e patrocinio comercial de programas e eventos.