Tahúres Zurdos
Tahúres Zurdos é un grupo de rock orixinario de Potasas (Navarra) cuxa carreira se estendeu entre 1987 e 2004.[1][2][3]
O grupo separouse en 2004, tras 17 anos en activo.
Historia
editarA formación orixinal do grupo era Aurora Beltrán (voz, e guitarra), Manuel Lolo Beltrán (irmán de Aurora e tamén guitarra), Luis Salcedo (baixo) e Javier Lizarazu Puntxes (batería).[4]
Lolo e Aurora proveñen da vila mineira de Potasas. Desa vila, e da existencia nela dun casino onde os traballadores da mina gastaban o soldo, vén o nome de "tahúres" que bautiza o grupo. A cuestión de "zurdos" é relativa a que tanto Aurora como Lolo son zurdos. As orixes do grupo remóntanse a Pamplona e a unha serie de actuacións dos seus membros no País Vasco, Navarra e outros lugares do norte de España.
Con 40.000 pesetas gravaron unha maqueta que máis tarde sería un disco homónimo.
O relativo éxito dos seus dous primeiros discos serviulles para fichar por EMI con Nieve negra e máis tarde con outras discográficas.
En 1990 Juan Manuel Ugarte incorporouse ao grupo (baixo).
En 1992 actuaron con éxito no festival Actual, en Logroño.[5]
En 1997 publicaron Tak cun rock menos severo.[6] O disco contiña unha versión de Piece of my heart de Janis Joplin.[6]
En 2004 gravaron en directo o seu último disco, Directo - 17 años[7][8]
O grupo despediuse en 2004, tras dezasete anos de carreira musical e nove discos.[9][10]
O grupo reuniuse no verán de 2019 para un concerto benéfico, tras o cal anunciaron algúns máis por toda España a partir do Nadal dese mesmo ano.[11]
Influencias
editarNas súas cancións obsérvase unha influencia de The Who, Led Zeppelin, David Bowie ou Lou Reed.
Membros
editar- Aurora Beltrán (voz e guitarras), desde 2007 segue a súa carreira musical como solista,
- Lolo Beltrán (guitarras),
- Luís Salcedo (baixista até 1990), Juanma Ugarte (baixista desde 1990) e
- Javier Lizarazu Puntxes (batería).
O grupo separouse en 2004, tras 17 anos en activo.
Discografía
editar- Tahúres zurdos, 1988 Oihuka
- Tahuría, 1990 Oihuka
- Nieve negra, 1991 EMI
- Árido, 1992 EMI
- La caza, 1994 EMI
- Azul, 1996 BMG-Ariola
- Tak, 1998 Arcade
- Acústico de la Cadena SER
- El tiempo de la luz, 2000 Sony
- 17 Años, 2004 Do it Records. 17 años é o título do disco recompilatorio no que grupo navarro incluíu cancións da súa primeira época e que foi gravado en directo en Tudela en decembro de 2003. O disco acompáñase de dous CD e un DVD no que se ofrecen 23 cancións e imaxes dos mellores concertos que o grupo ofreceu ao longo da súa historia (1988 - 2001).
Notas
editar- ↑ http://www.diariodenavarra.es/edicionimpresa/articulo.asp?not=a64art32352a&dia=20031208&seccion=culturaysociedad[Ligazón morta]
- ↑ http://elpais.com/diario/1994/11/30/cultura/786150011_850215.html
- ↑ http://www.lastfm.es/music/Tahures+Zurdos
- ↑ "Copia arquivada". Arquivado dende o orixinal o 05 de febreiro de 2012. Consultado o 28 de decembro de 2021.
- ↑ http://elpais.com/diario/1992/01/06/cultura/694652401_850215.html
- ↑ 6,0 6,1 http://elpais.com/diario/1997/12/29/cultura/883350007_850215.html
- ↑ http://elpais.com/diario/2004/05/14/espectaculos/1084485601_850215.html
- ↑ http://www.elmundo.es/metropoli/2004/09/27/musica/1096285780.html
- ↑ http://elpais.com/diario/2004/09/30/madrid/1096543467_850215.html
- ↑ http://www.diariodenavarra.es/edicionimpresa/articulo.asp?not=a59art275487a&dia=20040903&seccion=culturaysociedad[Ligazón morta]
- ↑ "Vuelven Tahúres Zurdos". Europa Press. 4 de decembro de 2019.