Taboada Club de Fútbol

(Redirección desde «Taboada CF»)

O Taboada Club de Fútbol é un equipo galego de fútbol de Taboada. Fundado en 1973, xoga no grupo norte da Primeira Autonómica de Galicia.

Taboada
NomeTaboada Club de Fútbol
Fundación1 de xaneiro de 1973
EstadioA Medela,
Taboada, Galicia
PresidenteGalicia Jose Manuel Montes Blanco
AdestradorGalicia Martín Murado Goyos
Liga1ª Galicia – Grupo 3
2012–1319º (Preferente – Grupo Norte)
VestimentaMercury
PatrocinadorICOS
Na rede
http://www.taboadacf.es.tl/
Titular

Historia editar

Desde 1949 existiu na vila o Relámpago, que xogaba os seus encontros no verán contra o Melide, o Monterroso ou en 1958 contra o Antas de Ulla. O equipo, con uniforme amarelo, xogaba no campo de San Roque, no monte da Fervenza (fronte a Covas, na parroquia de Castelo). Outras formacións parroquiais foron as de San Pedro de Bembibre, Ansar e Esperante. Tamén noutras, como Moreda e Taboada dos Freires, trataron de organizar equipos de fútbol.

O Taboada Club de Fútbol naceu na asemblea xeral de socios celebrada o 1 de xaneiro de 1973. Houbo partidarios de manter o nome do Relámpago para o club, mais a proposta non prosperou. O uniforme está formado por camiseta branquiazul a raias verticais, pantalón azul e medias azuis.

O Taboada CF comezou xogando na tempada 1973-74 na Liga Provincial, disputando o primeiro partido o domingo 23 de decembro de 1973 na casa contra o Mindoniense. Do Campionato Provincial pasou á Liga de Montaña na tempada 1977-78, cunha reestruturación da Segunda Rexional. Ascendeu a Primeira Rexional na tempada 1982-83, para volver dous anos despois á Segunda. Alí permaneceu dez tempadas, en 1994-95 sobeu outra vez a Primeira Rexional.

En conxunto, para o século XX, foron quince tempadas en Segunda Rexional (da Montaña denominouse algúns anos), seis en Primeira Rexional, ademais dos inicios na Liga Provincial con catro tempadas. Proclamouse campión da Segunda Rexional nas ligas 1988-89 (na que non ascendeu, deixando o seu lugar ao Roupar) e en 1993-94. Acadou así mesmo tres copas, a primeira en 1980 (Copa da Montaña) que lle gañou o C:F Boimorto, e as outras dúas Copas Deputación en 1989 gañada no Campo da Ponte ao C.D. Rábade e 1993,na Ribela contra S.G. Comercial (nos penaltis despois dun partido inexquecible que rematou 4-4); chegando tamén ao final da mesma Copa Deputación en 1987 que perdeu en Palas de Rei contra o Parga CF e en 2013,o ano que celebraba o seu 40 aniversario,a máis recente e que perdeu no Sangoñedo contra Ribadeo CF, 1-0.

O alcalde Jesús González Rodríguez proxectou un campo de fútbol na Medela, que foi remodelado con drenaxe na temporada 1986-87, e a mediados da década de 1990 mellorouse a a iluminación.

Datos do club editar

Historial na liga editar

Tempada Categoría Posto
2010/11 1ª Autonómica
2011/12 1ª Autonómica
2012/13 Preferente 19º
2013/14 1ª Autonómica
2014/15 1ª Autómica
2015/16 1ª Galicia 13º
2016/17 1ª Galicia 12º
2017/18 1º Galicia

Presidentes editar

  • José Rivas Rodríguez (1973-1974)
  • Antonio García Fontao (1974-1982)
  • José Vázquez Saá (1982-1986)
  • José Ramos Ledo (1986-1988)
  • José Francisco Ledo González (1988-1994)
  • Remigio Pérez Lage (1994-1998)
  • Marcos Vázquez Gavieiro (1998-2017)
  • Jose Manuel Montes Blanco(2017-

Equipo filial editar

O Taboada ten un equipo filial, o Taboada CF B, que xoga na tempada 2018/19 na Terceira Galicia.

Véxase tamén editar

Ligazóns externas editar