TPS Naiset
O Turun Palloseura Naiset ou TPS Naiset é un equipo feminino de hóckey sobre xeo da cidade de Turku, Finlandia. Actualmente compite na máxima categoría do hóckey sobre xeo feminino finlandés, a Naisten Liiga. Xoga os seus partidos como local no Kupittaan jäähalli, coñecido por motivos de patrocinio como Marli Areena, un pavillón con capacidade para 3 000 persoas.
| TPS Naiset | |
|---|---|
 | |
| Fundación | 1990 |
| Cidade |  Turku, Finlandia Propia Finlandia |
| Estadio | Marli Areena (3 000 persoas) |
| Liga | Naisten Liiga |
| Propietario(s) | TPS Juniorijääkiekko Ry |
| Director | Kalle Lahti[1] |
| Adestrador | Terhi Mertanen[2] |
| Afiliado(s) | TPS Naiset Akatemia |
| Cores | Negro e branco |
 | |
| Na rede | |
| https://www.tps-juniorit.net/joukkueet/5104 | |
| Seccións activas da TPS | ||
|---|---|---|
|
|
|
| Floorball | Fútbol (feminino) |
Fútbol (masculino) |
|
| |
| Hóckey sobre xeo (feminino) |
Hóckey sobre xeo (masculino) | |
Historia editar
O equipo feminino da Turun Palloseura fundouse en 1989 e comezou a súa andaina esa mesma tempada na I-divisioona. Da man de xogadoras como Tarja Lång (8+7=15), Virpi Willman (8+7=15), ou Maarit Kaukovaara (8+5=13), máximas puntuadoras na primeira tempada do equipo, o TPS conseguiu o ascenso á Naisten SM-sarja, a máxima categoría do hóckey sobre xeo feminino en Finlandia.[3]
Debutou na máxima categoría do hóckey sobre xeo feminino finlandés na tempada 1990-91, finalizando na quinta posición dun total de sete equipos, e non se clasificou para a postempadaa.[4] Con todo, na tempada 1992-93, logo de tres tempadas consecutivas na elite, o equipo descendeu de novo á I-divisioona e estivo durante toda esa década e a dos anos 2000 movéndose entre diferentes categorías ata que na tempada 2017-18 o equipo proclamouse campión da Naisten Mestis e regresou á máxima categoría, recentemente renomeada "Naisten Liiga". As principais artífices do ascenso foron Maija Otamo (20+16=36), Pauliina Salonen (3+16=19) e Pinja Koskinen (9+6=15).[3]
O equipo volveu competir na máxima categoría na tempada 2018-19 xunto con Vaasan Sport, ampliándose deste xeito o número de equipos participantes na Naisten Liiga a dez.[5]
En 2022 o TPS fixo historia logo de clasificarse por primeira vez para os play-offs, mais caeu nas semifinais fronte o K-Espoo e finalizou a tempada na cuarta posición.[3]
Personalidades editar
Xogadoras editar
Cadro actual editar
Actualizado a 27 de febreiro de 2024.[6]
Notas editar
- ↑ As posicións aparecen coas súas abreviaturas en inglés:
- G: Goalie (porteiro)
- D: Defenceman (defensa)
- F: Forward (atacante).
- ↑ As abreviaturas "S" e "G" fan referencia á man que o xogador emprega para golpear o puck (en galego, disco) co stick (S) (en galego, pau de hockey) ou a que empregan os porteiros para collelo coa garda (G).
- Referencias
- ↑ "Joukkueen toimihenkilöt" (en finés). TPS-juniorit.net. Arquivado dende o orixinal o 03 de outubro de 2021. Consultado o 4 de outubro de 2021.
- ↑ "Seuran toimihenkilöt" (en finés). TPS-juniorit.net. Consultado o 4 de outubro de 2021.
- ↑ 3,0 3,1 3,2 "TPS" (en finés). Leijonat.fi. 7 de febreiro de 2023. Consultado o 24 de setembro de 2023.
- ↑ "Naisten SM-sarja. 1990-1991 STANDINGS" (en inglés). eliteprospects.com. Consultado o 4 de outubro de 2021.
- ↑ "Vaasan Sportin naiset pelaavat ensi kaudella liigakiekkoa". Yle.fi (en finés). 19 de marzo de 2018. Consultado o 4 de outubro de 2021.
- ↑ "KOKOONPANO TPS" (en finés). Leijonat.fi. Consultado o 27 de febreiro de 2024.
Véxase tamén editar
| Wikimedia Commons ten máis contidos multimedia na categoría: TPS Naiset |
Ligazóns externas editar
- Sitio web oficial (en finés)