Rauma

Rauma (en sueco Raumo) é unha cidade de Finlandia, situada na rexión de Satakunta, no suroeste do país. Ten unha poboación de 39.870 habitantes segundo o censo de 2012.

Rauma

Rauma (fi) Raumo (sv)
Brasón
Localización
61°07′N 21°30′L
Estado	Finlandia
Axencia Rexional	South-Western Finland Regional State Administrative Agency (en)
Rexión	Satakunta
Poboación
Poboación	38.832 (2023) (78,22 hab./km²)
Lingua oficial	lingua finesa
Xeografía
Situado na entidade territorial estatística	Subrexión de Rauma
Superficie	496,43 km²
Comparte fronteira con	Eura Laitila Eurajoki Pyhäranta
Datos históricos
Precedido por	Kodisjoki, Lappi e Rauman maalaiskunta
Organización política
Órgano lexislativo	Rauma City Council (en) , (Escano: 51)
Membro de	Organización das Cidades do Patrimonio Mundial
Identificador descritivo
Fuso horario	UTC+02:00, horario estándar UTC+03:00, horario de verán
Outro
Irmandado con	Gjøvik (pt) Næstved Gävle (municipio) Kolpino Kaposvár Zhuhai (pt)
Sitio web	rauma.fi

O seu centro histórico, a Antiga Rauma é Patrimonio da Humanidade da UNESCO dende 1991, e dende 1999 o sitio funerario da Idade de Bronce de Sammallahdenmäki tamén está na lista da UNESCO.

Historia

No século XIV, antes de ser declarada cidade, Rauma contaba cun mosteiro franciscano e unha igrexa católica. En 1550, os habitantes de Rauma recibiron a orde de trasladarse a Helsinqui, mais isto foi contrarrestado con éxigo e Rauma puido continuar o seu crecemento.

Practicamente a totalidade da cidade de madeira foi devastada nos lumes de 1640 e 1682. O estilo neorrenacentista de moitos edificios é resultado da prosperidade provocada pola navegación. En 1897 Rauma tiña a maior frota de Finlandia, cun total de 57 veleiros. As mercancías eran exportadas principalmente a Alemaña, Estocolmo e os países bálticos. Nos anos 1890, Rauma tivo un colexio universitario que posteriormente foi anexionado á Universidade de Turku. Unha parte do departamento de educación aínda existe en Rauma.

O nome Rauma vén da palabra xermánica strauma, que significa "córrego".

Deporte

Como no resto do país, o hóckey sobre xeo goza dunha gran popularidade en Rauma. O Lukko foi fundado na cidade en 1936 e compite na primeira categoría do hóckey sobre xeo finlandés, a Liiga. O equipo proclamouse campión finlandés en dúas ocasións (1963 e 2021), así como subcampión tres veces (1961, 1966 e 1988), e gañou a medalla de bronce en seis ocasións máis (1 965, 1969, 1994, 1996, 2011 e 2014). Xoga os seus partidos como local no Kivikylän Areena.

Véxase tamén

Ligazóns externas

• Páxina oficial (en varios idiomas)