Subida a Chantada
A Subida a Chantada é unha proba automobilística que se disputa anualmente na Ribeira Sacra chantadina. Xeralmente celébrase a derradeira fin de semana de xullo e está organizada pola Escudería Chantada. Puntúa para o Campionato de España de Montaña e anteriormente tamén o fixo para o Campionato de Galicia de Montaña e para o Campionato de Europa de Montaña.
| |||
| Tipo | competición deportiva  | ||
|---|---|---|---|
| Deporte | carreira de montaña | ||
| Localización e Datas | |||
| Localización | Ribeira Sacra 42°23′00″N 7°37′00″O / 42.38333, -7.61667 | ||
| País | España | ||
| Vixencia | 1969 – | ||
Percorrido
editarO tramo ten unha lonxitude de 4,1 quilómetros de distancia, un desnivel de 250 metros e unha pendente media do 7,5 %. É un circuíto rodeado de viñedos que remata preto da vila de Chantada.
A saída sitúase sobre unha ponte sobre o río Miño entre as parroquias de Belesar e Diomondi (O Saviñao). Transcorre por dúas zonas ben diferenciadas, un primeiro tramo da estrada LU-617 estreita e lenta, que combina diferentes tipos curvas e na famosa curva dos cipreses enlaza coa estrada LU-533. Esta segunda parte é un trazado moito máis rápido, no que se alcanzan maiores velocidades.
Programa
editarA proba realízase en fin de semana, o sábado dende as 09.00 fanse as verificacións administrativas e técnicas. Ás 09.30 horas ábrese o parque pechado na Casa da Cultura. Ás 14.00 horas publícase a lista dos pilotos autorizados a tomar a saída e posteriormente faise a presentación dos pilotos. A saída da primeira manga é ás 15.30.
O domingo ás 08.30 horas faise a presentación dos pilotos, e ás 09.30 horas comeza a saída da segunda manga. Pola tarde, ás 16.15 horas, publícanse os resultados e a continuación a faise a entrega de premios e trofeos. No 2015 este acto celebrouse no novo Auditorio de Chantada.
Récord da proba
editarEn 1998 o piloto Andrés Vilariño cun Osella PA-20 acadou un tempo de 1'46'074.
Edición 2015
editarA edición do 2015 celebrouse os días 18 e 19 de xullo. Este ano tamén foi puntuable para a Copa Stark Box, que se corre sobre os Seat Marbella. Os resultados [1] dos 3 primeiros clasificados son:
| Posto | Piloto | Automóbil | Tempo |
|---|---|---|---|
| 1º | José Antonio López Fombona | Audi Quattro DTM | 3:47.955 |
| 2º | Jacobo Sobral Iglesias | SILVER CAR S2 | 3:54.985 |
| 3º | Alexis Vieitez Losada | FORMULA OUTEDA | 3:56.795 |
Edición 2014
editarA edición do 2014 celebrouse os días 19 e 20 de xullo. Os resultados [2] dos 3 primeiros clasificados son:
| Posto | Piloto | Automóbil | Tempo |
|---|---|---|---|
| 1º | José Antonio López Fombona | Audi Quattro DTM | 3:54.395 |
| 2º | Jacobo Sobral Iglesias | SILVER CAR S2 | 3:58.108 |
| 3º | Jose A. Varela Juan | Osella PA 20 /S | 3:59.899 |
Esta sección precisa reformularse seguindo unha orde cronolóxica. Pode axudar a mellorar este artigo e outros en condicións semellantes. |
Notas
editar- ↑ "Clasificación final OFICIAL 2015" (PDF). Arquivado dende o orixinal (PDF) o 01 de xuño de 2020. Consultado o 20 de xullo de 2015.
- ↑ http://www.temposfga.eu/ (ed.). "Clasificación final OFICIAL 2014" (PDF). Consultado o 20 de xullo de 2015.[Ligazón morta]
- ↑ "Palmarés da Subida a Chantada". Arquivado dende o orixinal o 17 de xullo de 2015. Consultado o 17 de xullo de 2015.
Véxase tamén
editar| Wikimedia Commons ten máis contidos multimedia na categoría: Subida a Chantada |