Stenella

Stenella
Stenella coeruleoalba
Clasificación científica
Reino: Animalia Filo: Chordata Subfilo: Vertebrata Clase: Mammalia Subclase: Theria Infraclase: Eutheria Orde: Cetacea Suborde: Odontoceti Superfamilia: Delphinoidea Familia: Delphinidae Subfamilia: Delphininae Xénero: Stenella Gray, 1866
Especies
Véxase o texto
Sinonimia
Referencia: Clymene Gray, 1864 Euphrosyne Gray, 1866 Fretidelphis Iredale e Troughton, 1934 Micropia Gray, 1868 Prodelphinus Gervais in P.-J. van Bénéden and Gervais, 1880

Stenella é un xénero de cetáceos odontocetos da familia dos delfínidos que reúne cinco especies que se encontran en mares temperados e tropicais de todo o mundo.

Son dos golfiños oceánicos máis coñecidos e máis difundidos, xunto coa especie Tursiops truncatus, en particular porque adoitan nadar axilmente diante da proa das embarcacións.

Taxonomía

O nome deste xénero foi creado por John Edward Gray en 1866, que o tomou do diminutivo latinizado da palabra do grego antigo στενός stenós, "estreito", en alusión ao bico e a que inicialmente se pensou que era un subxénero do xénero Steno.

O xénero comprende cinco especies:

• Xénero Stenella
  • Stenella frontalis
  • Stenella clymene
  • Stenella attenuata
  • Stenella longirostris
  • Stenella coeruleoalba

Características

As principais características das especies do xénero Stenella son:

• Corpo parecido ao do arroaz, do que se distinguen porque non presenta manchas no corpo, ou ás veces só unhas poucas.
• Coloración gris, máis ou menos escura, na rexión dorsal, máis clara na ventral que, nalgunhas especies, chega a ser branca ou case branca.
• Case todas as especies presentan manchas escuras, tanto no dorso como no ventre, cando son adultos.
• Bico estreito e acabado en punta.

Véxase tamén

Bibliografía

• Carwardine, Mark (1995): Ballenas, delfines y marsopas. Barcelona: Ediciones Omega. ISBN 84-282-1037-3.
• Perrin, William F., Bernd Würsig & J. G. M. Thewissen (eds.) (2002): Encyclopedia of Marine Mammals. 2ª ed. San Diego: Academic Press. ISBN 978-0-12-373553-9
• Wilson, D. E. & Reeder, D. M. (eds.) (2005): Mammal Species of the World. A Taxonomic and Geographic Reference. Third edition. ISBN 0-8018-8221-4.

Outros artigos

• Cetáceos
• Odontocetos
• Delfínidos

Ligazóns externas

• Stenella en ADW.