Son lenda
Son lenda (en inglés: I Am Legend) é un filme estadounidense de ficción científica dirixido por Francis Lawrence que se estreou no 2007. É a terceira adaptación da novela homónima de Richard Matheson de 1954, sendo a primeira The Last Man on Earth (1964) e The Omega Man (1971). Smith interpreta o virólogo Robert Neville, que é inmune a un virus creado polos seres humanos orixinalmente para curar o cancro. Traballa para crear unha cura ó tempo que se defende das vítimas do virus, que se converteron en mutantes hostiles.
| Son lenda | |
|---|---|
 Logo do filme | |
| Ficha técnica | |
| Título orixinal | I Am Legend |
| Director | Francis Lawrence |
| Produtor | Akiva Goldsman David Heyman James Lassiter Neal H. Moritz Tracy Torme |
| Guión | Akiva Goldsman Mark Protosevich |
| Baseado en | I Am Legend de Richard Matheson |
| Intérpretes | Will Smith Alice Braga |
| Música | James Newton Howard |
| Fotografía | Andrew Lesnie |
| Montaxe | Wayne Wahrman |
| Estudio | Village Roadshow Pictures Weed Road Pictures Overbrook Entertainment Heyday Films Original Film |
| Distribuidora | Warner Bros. Pictures |
| Estrea |  14 de decembro de 2007 6 de xaneiro de 2011 (TVG) |
| Duración | 100 minutos |
| Orixe |  Estados Unidos |
| Xénero | Ficción científica |
| Orzamento | $150 000 000[1] |
| Recadación | $585 349 010 |
| Na rede | |
| http://iamlegend.warnerbros.com/ | |
            | |
Warner Bros. comezou a desenvolver Son lenda en 1994, e varios directores e actores foron propostos para o proxecto, pero a produción foi posposta por mor da falta de orzamento. A produción comezou no 2006 en Nova York, sendo rodada en varias localizacións da cidade, e incluíndo unha escena de $5 millóns[2] na Ponte de Brooklyn.
Son lenda foi estreado o 14 de decembro de 2007 nos Estados Unidos e no Canadá, conseguindo a meirande recadación da historia dun filme non relacionado co Nadal en decembro. Estreouse en galego na TVG o 6 de xaneiro de 2011.[3]
Sinopse editar
Ano 2012. Robert Neville (Will Smith) é o derradeiro home vivo que hai sobre a Terra, pero non está só. Os demais seres humanos convertéronse en seres irracionais e violentos, e todos queren matalo. Durante o día vive en estado de alerta, como un cazador, e busca os mortos viventes mentres dormen; pero durante a noite debe agocharse deles e agardar ata o amencer. Este pesadelo comezou hai tres anos: Neville era un brillante científico, pero non puido impedir a expansión dun terrible virus creado polo home con fins militares. El sobreviviu porque é inmune ó virus; tódolos días envía mensaxes por radio coa esperanza de que haxa outros superviventes, pero é inútil. O único que pode facer é buscar unha fórmula que lle permita empregar o seu sangue inmune para devolverlles ós homes a súa natureza.
Personaxes editar
- Will Smith como Dr. Robert Neville
- Alice Braga como Anna
- Emma Thompson como Dr. Alice Krippin
- Charlie Tahan como Ethan
- Salli Richardson como Zoe Neville
- Willow Smith como Marley Neville
- Dash Mihok como Home Infectado alpha
- Joanna Numata como Muller Infectada alpha
- Darrell Foster como Mike
- Abbey & Kona como Sam, o can
- Pat Fraley como Voz do Presidente dos Estados Unidos
- Mike Patton como Efectos das voces das criaturas
Notas editar
- ↑ BoxOfficeMojo.com
- ↑ Hollywood Reporter (ed.). "A 'Legend' in the Making". Arquivado dende o orixinal o 11 de outubro de 2007. Consultado o 23 de marzo de 2008.
- ↑ "Son lenda na TVG". Diario Siglo XXI. 5 de xaneiro de 2011. Arquivado dende o orixinal o 30 de maio de 2015. Consultado o 29 de marzo de 2013.
Véxase tamén editar
Bibliografía editar
- I Am Legend, Richard Matheson, Tor Books; Reissue edition (30 de outubro de 2007), ISBN 0-7653-1874-1