Soiuz MS-20

Soiuz MS-20 foi unha misión espacial tripulada rusa lanzada o 8 de decembro de 2021 mediante o un foguete Soiuz 2-1a desde o cosmódromo de Baikonur.

Soiuz MS-20
A Soiuz MS-20 achegándose á estación.
Tipo	Tripulada
Data de lanzamento	8 de decembro de 2021
Foguete portador	Soiuz 2-1a
Sitio de lanzamento	Cosmódromo de Baikonur
Obxectivo da misión	Acoplamento coa Estación Espacial Internacional.
Regreso	20 de decembro de 2021
NSSDC ID	2021-119A

Características

Soiuz MS-20, unha Soiuz modelo MS cos cosmonautas Alexander Misurkin, Yusaku Maezawa e Yozo Hirano a bordo (a tripulación de respaldo eran Aleksandr Skvortsov e Shun Ogiso), foi unha misión lanzada para acoplarse coa Estación Espacial Internacional. Unha vez en órbita chegou á estación seguindo unha traxectoria rápida de seis horas e acoplándose ao módulo Poisk.

A Soiuz MS-20 levou a bordo aos turistas espaciais Yusaku Maezawa (empresario) e Yozo Hirano (axudante do primeiro) para unha estancia de 12 días na estación. A tripulación fixo un total de nove experimentos na estación antes de volver, o 20 de decembro. A nave aterrou a 148 km ao sueste da cidade de Dzhezkazgan (Casaquistán).

Véxase tamén

Outros artigos

• Soiuz 2-1a
• Estación Espacial Internacional