Soiuz MS-12

Soiuz MS-12 foi unha misión espacial tripulada rusa lanzada o 14 de marzo de 2019 mediante un foguete Soiuz FG desde o cosmódromo de Baikonur.

Soiuz MS-12
A Soiuz MS-12 acoplada ao módulo Rassvet.
Tipo	Tripulada
Data de lanzamento	14 de marzo de 2019
Foguete portador	Soiuz FG
Sitio de lanzamento	Cosmódromo de Baikonur
Obxectivo da misión	Acoplamento coa Estación Espacial Internacional.
Regreso	3 de outubro de 2019
NSSDC ID	2019-013A

Características

Soiuz MS-12, unha Soiuz modelo MS cos cosmonautas Aleksei Ovchinin, Christina Hammock Koch e Nick Hague a bordo, foi unha misión lanzada para acoplarse coa Estación Espacial Internacional. Ovchinin e Hague eran os tripulantes orixinais da Soiuz MS-10, que sufriu un problema que lle impediu chegar a órbita, sendo reasignados á MS-12 e cambiando os plans de subir a un turista espacial neste voo. A Soiuz chegou á estación seguindo unha traxectoria rápida de seis horas, acoplándose ao módulo Rassvet e coa tripulación uníndose aos membros da Expedición 58, Oleg Kononenko, Anne McClain e David Saint-Jacques. Despois da marcha da Soiuz MS-11 comezou oficialmente a Expedición 59 cos membros da Soiuz MS-12. Tras 203 días en órbita, a Soiuz MS-12 desacoplouse do módulo Rassvet o 3 de outubro de 2019 con Ovchinin, Hague e o turista espacial Hazzaa Ali Almansoori, con Koch quedando na estación. A Soiuz 12 aterrou a 147 km ao sueste da cidade de Dzhezkazgan (Casaquistán).

Véxase tamén

Outros artigos

• Soiuz FG
• Estación Espacial Internacional