Silvia Aguete
Silvia Aguete Outón, nada en Pontevedra o 11 de xaneiro de 1987, é unha xogadora fútbol sala galega, que xoga de porteira no Marín Futsal da Primeira División. Considerada como unha das mellores xogadoras da súa xeración, desenvolveu toda a súa carreira en Galicia, principalmente no Poio Pescamar. Foi elixida mellor porteira do mundo en 2019,[1] así como segunda mellor gardameta en 2018 e 2021.[2] Na tempada 2017/18 recibiu o premio á mellor porteira da Primeira División.[3]
Silvia Aguete | |||
---|---|---|---|
Información persoal | |||
Nome | Silvia Aguete Outón | ||
Nacemento | 11 de xaneiro de 1987 | ||
Lugar de nacemento | Pontevedra | ||
Posición | Porteira | ||
Información de club | |||
Club actual | Marín Futsal | ||
Número | 1 | ||
Carreira xuvenil | |||
Queiroga | |||
Leis | |||
Carreira sénior | |||
Anos | Equipos | Aprs | (Gls) |
–2013 | Leis | ||
2013–2015 | Poio Pescamar | 55 | (2) |
2015–2016 | O Pirata FS Moaña | ||
2016–2021 | Poio Pescamar | 97 | (3) |
2021– | Marín Futsal | 25 | (2) |
Selección nacional | |||
2013– | España | 50 | (0) |
Partidos e goles só en liga doméstica. Club: actualizado a 2 de abril de 2023 Selección: actualizado a 2 de abril de 2023.[ editar datos en Wikidata ] | |||
Internacional coa selección española dende 2013, conquistou con esta as tres primeiras Eurocopas da historia, sendo titular nas tres finais.
Traxectoria editar
Comezou a xogar ao fútbol sala aos sete anos, no equipo dunha asociación contra o cancro.[4] Máis tarde pasou ao Queiroga, equipo de Pontevedra que acabou por fusionarse coa sección feminina do Leis. Militou no Leis ata 2013 e as súas grandes actuacións valéronlle a súa fichaxe por un club da máxima categoría, o Poio Pescamar.[5]
No Poio xogou dúas tempadas, ambas na Primeira División, sendo a gardameta titular do equipo. Na tempada 2015/16, aparcou temporalmente a súa carreira como futbolista profesional para rematar os seus estudos universitarios.[6] Durante ese tempo xogou no modesto club O Pirata FS Moaña da Liga Galega, ao que se incorporou tamén a súa compañeira no Poio Lucía Souto.[7] O equipo de Moaña, creado só un ano antes, superou todas as expectativas e conseguiu o ascenso á Segunda División nacional.[7]
Para a campaña 2016/17 regresou ao Poio Pescamar, no que xogou durante os seguintes cinco anos, rematando sempre a liga entre os sete primeiros clasificados.[8] Vestindo a camiseta do club poiense, foi elixida mellor porteira do mundo en 2019 nos Futsal Awards, despois de ser segunda o ano anterior.[1][9]
En xullo de 2021, despois de desvencellarse do Poio, converteuse na primeira fichaxe que realizaba o Marín Futsal para afrontar o seu debut na Primeira División.[10] Durante a súa primeira campaña conseguiu o oitavo posto na liga, ao tempo que preparaba as oposicións a funcionaria de prisións.[11] Ademais, foi elixida de novo como segunda mellor porteira do mundo nos Futsal Awards correspondentes ao 2021.[12]
Selección nacional editar
Debutou coa selección española en novembro de 2013, nun partido amigable contra Portugal. En 2014 participou no Campionato do Mundo celebrado en Costa Rica, onde logrou o terceiro posto.[13][14] En 2018 xogou a fase de clasificación para a primeira Eurocopa da historia, e en 2019 participou na fase final do propio torneo, que se disputou na vila portuguesa de Gondomar. Alí foi titular na final ante a selección anfitrioa e proclamouse campioa de Europa despois de gañar por 4-0.
Volveu ser a porteira titular de España na Eurocopa de 2022, onde tivo unha destacada actuación na final. Despois de deter dous dobres penaltis na prórroga, o partido foi á quenda de penaltis e Silvia Aguete foi decisiva ao deter os lanzamentos de Ana Azevedo (mellor xogadora do torneo) e Ana Pires, dándolle así a España o seu segundo título.[15] Un ano despois celebrouse en Debrecen a terceira edición da Eurocopa, e a selección española, de novo con Silvia na portería, confirmou o seu absoluto dominio do fútbol sala europeo, gañando o título na final ante Ucraína.[16]
Estatísticas editar
Club | Div. | Tempada | Liga | Copas nacionais |
Torneos internacionais(2) |
Total(3) | ||||||||||||
---|---|---|---|---|---|---|---|---|---|---|---|---|---|---|---|---|---|---|
Part. | Goles | Part. | Goles | Part. | Goles | Part. | Goles | |||||||||||
Leis Pontevedra | ||||||||||||||||||
2.ª | ||||||||||||||||||
- | - | - | - | - | - | - | - | - | - | - | - | - | - | |||||
Total club | - | - | - | - | - | - | - | - | - | - | - | - | - | - | - | - | ||
Poio Pescamar FS | ||||||||||||||||||
1.ª | ||||||||||||||||||
2013-14 | 27 | 0 | 1 | 0 | - | - | - | - | - | - | - | - | 27 | 0 | 1 | 0 | ||
2014-15 | 28 | 2 | 1 | 0 | - | - | - | - | - | - | - | - | 28 | 2 | 1 | 0 | ||
Total club | 55 | 2 | 2 | 0 | - | - | - | - | - | - | - | - | 55 | 2 | 2 | 0 | ||
Pirata O Moaña | ||||||||||||||||||
2.ª | ||||||||||||||||||
2015-16 | - | - | - | - | - | - | - | - | - | - | - | - | - | - | - | |||
Total club | - | - | - | - | - | - | - | - | - | - | - | - | - | - | - | - | ||
Poio Pescamar FS | ||||||||||||||||||
1.ª | ||||||||||||||||||
2016-17 | 28 | 1 | 2 | 0 | 1 | 0 | 0 | 0 | - | - | - | - | 29 | 1 | 2 | 0 | ||
2017-18 | 26 | 0 | 0 | 0 | 1 | 0 | 0 | 0 | - | - | - | - | 27 | 0 | 0 | 0 | ||
2018-19 | 24 | 2 | 1 | 0 | 1 | 0 | 0 | 0 | - | - | - | - | 25 | 2 | 1 | 0 | ||
2019-20 | 11 | 0 | 0 | 0 | 3 | 0 | 0 | 0 | - | - | - | - | 14 | 0 | 0 | 0 | ||
2020-21 | 8 | 0 | 0 | 1 | 2 | 0 | 0 | 0 | - | - | - | - | 10 | 0 | 0 | 1 | ||
Total club | 97 | 3 | 3 | 1 | 8 | 0 | 0 | 0 | - | - | - | - | 105 | 3 | 3 | 1 | ||
Marín Futsal | ||||||||||||||||||
1.ª | ||||||||||||||||||
2021-22 | 25 | 2 | 0 | 0 | 3 | 0 | 0 | 0 | - | - | - | - | 28 | 2 | 0 | 0 | ||
Total club | 25 | 2 | 0 | 0 | 3 | 0 | 0 | 0 | - | - | - | - | 28 | 2 | 0 | 0 | ||
Total carrera | 177 | 7 | 5 | 1 | 11 | 0 | 0 | 0 | - | - | - | - | 188 | 7 | 5 | 1 | ||
(1) Inclúe datos da Copa de España / Supercopa de España.
(2) Inclúe datos de Campionato de Europa de Clubs.
(3) Non Inclúe datos de partidos amigables. |
Palmarés editar
- Selección española
- Eurocopa (3): 2019, 2022, 2023.
Notas editar
- ↑ 1,0 1,1 "Silvia Aguete: "Este premio es un orgullo porque refleja el trabajo de un año"". Diario de Pontevedra (en español). 28 de marzo de 2020. Consultado o 29 de marzo de 2020.
- ↑ "El año de Silvia Aguete bajo palos". La Voz de Galicia (en español). 2 de enero de 2018. Consultado o 7 de enero de 2019.
- ↑ "Silvia Aguete, del Poio, recibe el premio a mejor portera del año". La Voz de Galicia (en español). 20 de diciembre de 2018. Consultado o 7 de enero de 2019.
- ↑ Saiz, Cristina; Ciordia, Marisa (28 de marzo de 2020). "RADIO.- La playlist de... Silvia Aguete, la mejor portera del mundo en fútbol sala". Pontevedra Viva (en castelán). Consultado o 2 de abril de 2023.
- ↑ Martínez, Juan (5 de xullo de 2013). "El Poio Pescamar ficha a Silvia Aguete, del Leis 26". Faro de Vigo (en castelán). Consultado o 2 de abril de 2023.
- ↑ "La súper rojilla que defiende siempre la portería pequeña". La Voz de Galicia (en castelán). 21 de outubro de 2017. Consultado o 2 de abril de 2023.
- ↑ 7,0 7,1 Collarte, César (10 de maio de 2016). "Las guerreras del fútbol sala moañés". Faro de Vigo (en castelán). Consultado o 2 de abril de 2023.
- ↑ "CONOCIENDO A… SILVIA AGUETE". A Fervenza (en español). 28 de marzo de 2016. Arquivado dende o orixinal o 10 de abril de 2021. Consultado o 7 de enero de 2019.
- ↑ "Silvia Aguete, segunda mejor portera del mundo". Faro de Vigo (en castelán). 3 de xaneiro de 2019. Consultado o 2 de abril de 2023.
- ↑ "Silvia Aguete elige el proyecto del Marín Futsal". Pontevedra Viva (en castelán). 7 de xullo de 2021. Consultado o 2 de abril de 2023.
- ↑ G. G., Xurxo (16 de decembro de 2021). "Antes portera que opositora". Diario de Pontevedra (en castelán). Consultado o 2 de abril de 2023.
- ↑ "Silvia Aguete, del Marín Futsal, elegida como segunda mejor portera del mundo" (en castelán). 18 de xaneiro de 2022. Consultado o 2 de abril de 2023.
- ↑ "Silvia Aguete y Ceci, convocadas para el Torneo Mundial de Costa Rica". La Voz de Galicia (en castelán). 18 de novembro de 2014. Consultado o 2 de abril de 2023.
- ↑ "España se desquita ante las anfitrionas y se apunta el tercer puesto" (en castelán). 16 de decembro de 2014. Arquivado dende o orixinal o 08 de decembro de 2017. Consultado o 2 de abril de 2023.
- ↑ Dapena, Almu (3 de xullo de 2022). "Silvia Aguete, protagonista en los penaltis para dar a España su segunda Eurocopa". Pontevedra Viva (en castelán). Consultado o 2 de abril de 2023.
- ↑ "Raíñas de Europa". Diario de Pontevedra. 20 de marzo de 2023. Consultado o 2 de abril de 2023.
Véxase tamén editar
Ligazóns externas editar
- Entrevista en Canal Rías Baixas.