Abrir o menú principal

Servando Pérez Barreiro

lingüista galego

Servando Pérez Barreiro, nado en Cuspedriños (San Xurxo de Sacos, Cerdedo-Cotobade) o 17 de febreiro de 1940 e finado na mesma parroquia o 1 de xaneiro de 2014[1], foi un lingüista galego.

Servando Pérez Barreiro
Nacemento17 de febreiro de 1940
 Cuspedriños, San Xurxo de Sacos, Cotobade
Falecemento1 de xaneiro de 2014
 San Xurxo de Sacos
NacionalidadeEspaña
Ocupaciónfilólogo
editar datos en Wikidata ]

Índice

TraxectoriaEditar

Catedrático de lingua inglesa, estudou nas universidades de Santiago de Compostela, Oviedo, Complutense de Madrid e Cambridge (Inglaterra). Exerceu de docente na Royal Liberty School de Romford (Londres) e nos institutos Severo Ochoa de Luarca, Ramón Cabanillas de Cambados e Castro Alobre de Vilagarcía de Arousa.

Fundou os centros de ensino de inglés The English Centre de Vilagarcía, The English Studio de Pontevedra e The London Centre das Pontes de García Rodríguez. Foi cofundador da APIGA (Asociación de Profesores de Inglés de Galicia) e colaborou con AEDEAN (Asociación de Profesores de Inglés a nivel nacional), impartindo conferencias sobre a metodoloxía do ensino do Inglés.

Asemade, foi tradutor do inglés ao galego de ensaios sobre Rosalía de Castro e participou no Padroado Rosalía de Castro.

O dicionarioEditar

Da súa autoría foi primeiramente en 2008 o Dicionario completo galego-inglés inglés-galego (Vigo: Ediciones Cardeñoso; ISBN 978-84-8190-524-3) ten 1.122 páxinas, con máis de 55.000 entradas en cada unha das linguas e especifica a etimoloxía das palabras que en galego e inglés teñen orixe común. En novembro de 2010 publicouse unha nova versión co título de Dicionario galego-inglés inglés galego con ISBN 978-84-8190-619-6 de 617 páxinas con arredor de 33.000 entradas por cada idioma (total 66.000)

Comprende a transcrición fonética internacional do inglés, sinónimos, explicacións gramaticais etc. Asemade, nalgúns casos facilítanse palabras en castelán (coa abreviatura: cast) para facer notar o contraste ou para axudar á comprensión.

NotasEditar

Véxase taménEditar