Serafín Asensio-Vega y Muñoz
Serafín Asensio-Vega y Muñoz, nado en Badaxoz en 1836 e finado en La Parra o 8 de febreiro de 1905, foi un militar español.
  | |
| Biografía | |
|---|---|
| Nacemento | 1836 Badaxoz, España |
| Morte | 8 de febreiro de 1905 (68/69 anos) La Parra, España |
| Datos persoais | |
| País de nacionalidade | España |
| Actividade | |
| Ocupación | militar |
Traxectoria editar
De familia acomodada, estudou na Academia General Militar de Toledo. No ano 1853 acadou o grao de alférez. Participou na Guerra de África e distinguiuse na batalla de Wad-Nivel (1860), motivo polo cal foi distinguido coa Cruz Laureada de San Fernando. No 1861 contribuíu a esmagar a revolta de Loja. Ascendido a tenente, loitou con Joan Prim i Prats na batalla dos Castillejos (1868), que supuxo o derrocamento de Isabel II de España.
Durante a terceira guerra carlista (1872-1876) foi nomeado comandante xeral de Valls, liberou Caldes de Montbui e levantou o asedio de Vilanova i la Geltrú. Trala abdicación de Amadeu I proclamou en Badaxoz a Primeira República Española. No 1876 foi declarado benemérito da patria. Cara a 1877 ingresou na francmasonería.[1]
Ascendido a tenente coronel, o 25 de xullo de 1882 protagonizou un pronunciamento no que se proclamou a República en Badaxoz, promovido pola Asociación Republicana Militar (dirixida por Manuel Villacampa del Castillo e Manuel Ruiz Zorrilla) secundado polo seu Rexemento de Cabalaría de Villaviciosa; o golpe fracasou pola falta de coordinación coas outras unidades que debían sublevarse.[2] Tralo fracaso do golpe fuxiu a Portugal coas súas tropas e de alí a Francia. Foi amnistiado en 1891 e retornou a España. Estableceuse en La Parra, onde morreu o 8 de febreiro de 1905.[3]
Notas editar
- ↑ El pronunciamiento republicano del 5 de agosto de 1883 en Badajoz. 2ª parte, Fernando de la Iglesia Ruiz
- ↑ Militares republicanos en la Restauración: de la rebelión al exilio (1883-1891), Eduardo Higueras Castañeda
- ↑ Tras las huellas del heroico militar Asensio Vega 1866-1905, Valeriano Gutiérrez Macías
Véxase tamén editar
Ligazóns externas editar
- El pronunciamiento republicano de 1883 en Badajoz por José Raya Téllez (en castelán)