Santiago Pemán
Este artigo contén varias ligazóns externas e/ou bibliografía ao fin da páxina, mais poucas ou ningunha referencia no corpo do texto. Por favor, mellora o artigo introducindo notas ao pé, citando as fontes. Podes ver exemplos de como se fai nestes artigos. |
Santiago Pemán García, nado en Santiago de Compostela o 7 de abril de 1936, é un piloto e inspector de voo de Aviación Civil galego. Está considerado como o home do tempo por antonomasia da Televisión de Galicia.
Santiago Pemán  | |
|---|---|
| Nacemento | 7 de abril de 1936 |
| Lugar de nacemento | Santiago de Compostela |
| Nacionalidade | España |
| Ocupación | meteorólogo |
| [ editar datos en Wikidata ] | |
TraxectoriaEditar
Santiago Pemán comezou a súa carreira profesional como inspector de voo e piloto. Voando, afeccionouse á observación meteorolóxica e conseguiu unha praza no observatorio do aeroporto de Santiago. Nunca, segundo confesa, chegou a cursar os estudos de Meteoroloxía.
A súa entrada na TVG, que foi a que o fixo famoso en Galicia, data de 1986, cando a canle autonómica galega estaba nos seus comezos. Conta que foi un día a un estudio de gravación no que estaba posto un croma e, cando viron como se desenvolvía diante del, foi contratado. Dende entón, foi o home do tempo da TVG ata o 2006, cando pasou a encargarse da información do tempo no mar en horario de madrugada; colabora tamén coa radio autonómica, dando a información do tempo no mar.
Pemán tiña unha forma de presentar a información meteorolóxica que marcou estilo, pois popularizou palabras pouco coñecidas fóra de certos ámbitos profesionais (en especial ás relativas ao mundo do mar) e achegou un feixe de refráns sobre o tempo.
Retirado da TVG, mantivo ata o ano 2014 unha páxina web con información meteorolóxica.
Vida persoalEditar
As súas fillas continuaron o seu labor. A diferenza do seu pai, elas si estudaron Físicas e especializáronse en Meteoroloxía.
Na cultura popularEditar
A súa popularidade chegou a que lle dedicaran camisolas.[1]
Dedicáronlle cancións Ana Kiro,[2] Eskakeo[3] e Montse e Luis Queimada, e participou nun videoclip de Lamatumbá.[4] Ten aparecido en series de televisión como Pratos combinados interpretándose a si mesmo.
NotasEditar
Véxase taménEditar
BibliografíaEditar
- "Pemán García, Santiago". Dicionario biográfico de Galicia 3. Ir Indo Edicións. 2010-2011. p. 78.
Ligazóns externasEditar
- Web de Santiago Pemán
- "Nunca usei paraugas", entrevista n' A Nosa Terra, xullo de 2009.
- Videoclip de Lamatumbá no que sae Pemán