RuneScape

RuneScape é un videoxogo de rol multixogador masivo en liña de fantasía, lanzado por Jagex Limited en xaneiro de 1999. Foi orixinalmente un videoxogo de navegador programado en linguaxe Java, pero foi substituído en gran parte por un cliente C++ autónomo en 2016. O xogo tivo máis de 300 millóns de contas rexistradas e foi recoñecido polo Guinness World Records como o videoxogo de rol masivo gratuíto máis grande.

RuneScape
Desenvolvedor(es)	Jagex
Distribuidora(s)	Jagex
Deseñador(es)	Andrew Gower
Lanzamento	4 de xaneiro de 2001
Xénero	fantasy video game e MMORPG
Modos de xogo	videoxogo multixogador
Plataforma(s)	Plataforma Java, Máquina virtual Java, Android, Microsoft Windows e macOS
Na rede
http://www.runescape.com e https://www.runescape.com/
[ editar datos en Wikidata ]

Historia

DeviousMUD, o precursor de RuneScape, foi creado en 1998 por Andrew Gower. O xogo, que nunca foi lanzado ao público, utilizaba gráficos isométricos bastantes pobres. En 1999, Gower traballou nunha reescritura completa do xogo coa axuda do seu irmán, Paul Gower. A visión isométrica foi substituída por unha mestura de sprites tridimensionais en dúas dimensións. O xogo, retitulado RuneScape, foi lanzado ao público como versión beta o 4 de xaneiro do 2001 e funcionaba orixinalmente dende a casa de seus pais en Nottingham. En decembro de 2001, os irmáns Gower formaron Jagex para asumir o control dos aspectos do negocio de RuneScape.

O 27 de febreiro de 2002 aparece o servizo de pago, con características adicionais, incluíndo novas áreas, buscas e artigos.

Características

Ofrece dúas opcións de xogo: Pay To Play ("P2P" ou "pagar para xogar") ou Free To Play ("F2P" ou "gratis para xogar"). Ao estar programado en Java, RuneScape non necesita instalación e pode accederse a el dende o sitio oficial.

Como moitos MMORPG, non ten unha historia lineal. Os xogadores na pantalla son avatares personalizables, coas súas propias metas e obxectivos. RuneScape ten dúas variantes, en calidade baixa e en alta calidade, as cales dependen da velocidade de conexión do usuario e da memoria RAM do equipo. Anunciouse que no futuro se disporá dunha versión acelerada por hardware, con gráficos moi mellorados en comparación aos actuais, incluíndo sombras dinámicas, efectos de iluminación, texturas de alta calidade e máis. Dita versión seguirá sendo browser based, é dicir, non se necesitará descargar nada ao PC.

Combate

As personaxes son sempre humanas, mais os xogadores poden elixir o seu xénero e aspecto dunha variedade de peiteados e cores, tipos de corpo, face etc.

O combate en RuneScape é en tempo real (é dicir, non é por veces) e ofrece diversas estratexias. A velocidade de ataque depende do tipo de arma que se use. Por exemplo unha espada é máis rápida que un brosa de combate. En RuneScape pódese combater tanto contra personaxes controlados por unha persoa de calquera parte do mundo ou contra personaxes controlados polo xogo (NPC's en inglés) por motivos de entretemento ou para conseguir novas riquezas e experiencia.

Estilos

RuneScape dános a opción de combater por diversos medios:

• Combate corpo a corpo (melee): Este é o estilo máis usado, sobre todo polos principiantes polo seu baixo custo, ao non usar consumibles. Neste estilo normalmente utilízase unha arma ou simplemente o puño.
• Combate a distancia (ranged): Este estilo utiliza normalmente un arco con frechas ou bésta con setas. Tamén están dispoñibles para membros os dardos, coitelos, brosas que se poden lanzar e xavelinas, ademais dalgúns dos arcos máis poderosos do xogo.
• Combate con maxia (magic): Neste combate utilízanse runas para poder lanzar os feitizos. Opcionalmente un xogador pode usar túnicas de tea para obter unha bonificación de poder, e un cetro, que pode servir como fonte infinita das runas se corresponde a algún dos catro elementos básicos e á vez outorgar unha bonificación de poder. Ademais, a maioría dos cetros (staff) posúen a opción de auto casteo de certos feitizos.

En Runescape existen 3 tipos de maxia:

• Maxia Moderna: Estes son os meigallos máis comúns. Existen os de auga, aire, terra e lume, de nivel básico, baixo, mediano e alto. Tamén conta con feitizos de teletransportación, que permite teletransportarse a outras áreas do xogo. Existen dous tipos de meigallos modernos: os de combate e os pasivos. Os de combate fan dano ou axúdanche no combate (por exemplo, penalizando ao opoñente nalgún skills), mentres que os pasivos permiten crear obxectos (como xoiaría ou setas encantadas), transformar obxectos en ouro (low e high alchemy) etc.