Rosario, Santa Fe
Coordenadas: 32°57′S 60°39′O / -32.950, -60.650
Rosario é unha cidade da Arxentina e un porto, cabeza do departamento que leva o mesmo nome e a cidade máis grande da provincia de Santa Fe. Con 1.000.000 de habitantes no 2005 é a terceira cidade da Arxentina, despois de Buenos Aires e Córdoba. Constitúe un importante centro cultural, económico, educativo, financeiro e de entretemento e forma parte do chamado Triángulo agrario, xunto coas localidades de Pergamino e Venado Tuerto.
| Rosario, Santa Fe | |||
|---|---|---|---|
| |||
 | |||
| Imaxes da cidade | |||
| Localización | |||
  Rosario | |||
| País |  Arxentina | ||
| Provincia | Provincia de Santa Fe | ||
| Departamento | Departamento Rosario | ||
| Xeografía | |||
| Altitude | 25 msnm | ||
| Superficie | 178,69 km² | ||
| Demografía | |||
| Poboación | 973 947 hab. (2016)[1] | ||
| Densidade | 5 726 hab/km² | ||
| Xentilicio | Rosarino/a | ||
| Outros datos | |||
| Código postal | S2000 | ||
| Alcalde | Mónica Fein, PS-FPCyS[2] | ||
| Páxina oficial de Rosario | |||
Atópase na marxe occidental do río Paraná, parte da hidrovía Paraná-Paraguai, sobre o que está encravado un porto de 140 hectáreas que manexa tanto cargas xerais como a granel.[3] Xunto a varias localidades da zona conforma a Área Metropolitana Rosario (con 1 690 816 habitantes, segundo o censo de 2010), que excede e inclúe o Gran Rosario (o terceiro conglomerado urbano do país con 1 236 089 persoas)[1] e o departamento Rosario. No ano 2010, proxectouse unha poboación para o departamento Rosario (composto pola cidade de Rosario e outros 23 concellos máis) de 1 199 364 persoas, segundo datos achegados polo INDEC (Instituto Nacional de Estadística y Censos).[1] Segundo a mesma proxección, o concello de Rosario contaba con 948 312 habitantes.[1][4]
Rosario é coñecida como o berce da bandeira arxentina, e o seu edificio máis coñecido é o Monumento á Bandeira. Na cidade naceron moitos deportistas consagrados internacionalmente tales como Lionel Messi, César Luis Menotti, Luciana Aymar, Maximiliano Rodríguez, Edgardo Bauza, Gerardo Martino, Angel Di María, Marcelo Bielsa e Mauro Icardi, entre outros. Tamén salientan personalidades como Che Guevara, Alberto Olmedo, Roberto Fontanarrosa, Libertad Lamarque, Fito Páez, Antonio Berni, Valeria Mazza, entre outros.
Notas Editar
- ↑ 1,0 1,1 1,2 1,3 "Ministerio del Interior y Transporte - Censo 2010 - Municipio de Rosario".
- ↑ "Candidatos ganadores generales 2011". Arquivado dende o orixinal o 09 de marzo de 2012. Consultado o 20 de marzo de 2012.
- ↑ "Rosario: un puerto con ventajas". Consultado o 9 de outubro de 2010.
- ↑ "Dirección General de Estadísticas - Indicadores demográficos". Consultado o 8 de setembro de 2012.
Véxase tamén Editar
Wikimedia Commons ten máis contidos multimedia na categoría: Rosario, Santa Fe  |